Ong Đặng Tòn San, daok di palei 13, urang hu labaih 10 thun daok di bhum taneh tapen nagar bhum Ia Rvê nhưng sang drei oh ka hu taneh piah daok piah ngak mbang. Piah kuri kura ka rai diuk, ong San nao ngak apah, ngak tangin takai garauk labik palei. Mahit Karja peih sarak daong taneh, ong San cang bih harei ini tal harei diah piah hu taduon taneh, tui di nan, piah hu kein lagaih brei ka bruk sanang kao ngak mbang di palei.

“Dahlau diah drei oh hu taneh, urak ini karja daong taneh ka mikva mboh biak uan tabuan, dalau dia drei nao ngak mbang apah, urak ini hu taneh blaoh paje drei hu ngak mbang di taneh drei.”

Tui iek kuria abih di dalam xa tapen nagar bhum Ia Rvê, taong abih di nyu hu 155 baoh sang daok cang daong taneh jeng ye caong daong ngak harak gal brei ka taneh riya. Moh dalam nan hu, 92 baoh sang daok kurang taneh daok, taneh ngak mbang; 6 baoh sang hu taneh ngak mbang mintapi oh hu taneh ngak sang daok, gam saong ralo baoh sang daok khin caong sampurna harak gal karja piah pandar tanah.

Mblang taneh hu brei angan brei daok jaik 8 ha, ndih di tapen jala pambuak meng palei 8 tal palei 10, parbha jeng 198 laok. Yaok baoh sang hu brei 400 m².

Ong Nông Văn Gióng, Akaok palei 4, xa Ia Rvê, brei thau mbang camareip, palei hu 6 baoh sang taduon hu taneh. Taong abih dalam nan ieu lac dom baoh sang biak kan daman, daok di palei ralo thun min oh hu taneh ngak mbang jeng ye oh karo labik daok.

“Brei taneh mbang 1 ini di Danak dak 104 di xa Ia Rvê palei dahlak hu 6 baoh sang, 6 baoh sang ini biak kan daman, daok dang ngak mbang di palei labaih kurang 10 thun blaoh mintapi oh hu taneh piah ngak mbang jeng ye padang sang daok  karo. Hu Ndang dan saong Karja daong taneh brei ka  6 baoh sang ini ngak ka rah ra bhap bini biak uan tabuan bui chreih sambai. Ini mai taduan mek taneh, 6 baoh sang di palei madeih biak awal hu mbaok ganap”.

Hu taneh ieu lac barau lang hu sa banah kan daman. Piah ka rahra mikva karo dalam raidiuk, hu jalan uak rup ngak mbang truh kathaot, xa Ia Rvê daok paganap harak gal dak brei 266 ha taneh ngak mbang di palei 7, 12 saong 13. Tui danak dak di palei, yaok baoh sang tui caga di danak dak hu daong brei taneh 1 ha. Gam saong bruk hu taneh ngak mbang, xa daok peih dom cara brei daong marsraiy jien, daong pato kaei ilamo jamraik, pilih phun pala, anek athur raong lagaih laguo saong langik tasik jeng ye prein yava ngak mbang di yaok baoh sang.

Ong Nguyễn Huy Tiến, Bi thu Ndang uy xa Ia Rvê, brei thau lac palei mada daok kuria iek baoh sang urang kathaot, ieik taneh riya di palei blaoh chul khang sarak karja, pagam saong bruk daong taneh riya pagam saong cara jalan ngak mbang brei ka rahra bhap bini.

“Dalam tukvak meng anak daok tal Ndang uy, Uy mban bhap bini xa daok ba jalan patacei jabat kinh te caik hatai iek glang brei ka bruk jao taneh daok jeng ye taneh ngak mbang, piah daong ka mikva hu taneh daok dang ngak mbang pakaro raidiuk di bhum taneh tapen nagar xa Ia Rvê. Gam saong bruk daong taneh, xa jeng hu dom jalan piah brei ka bruk ngak mbang, pasalih bruk ngak piah ka mikva pakaro raidiuk, ndam gam di bhum taneh tapen nagar.”

Meng di dom laok taneh akaok meti nao tal jalan ramik taneh ngak mbang, sarak karja brei daong taneh di Ia Rvê daok dak yam langyah hu dom janih kadha hatai caong khin di mikva urang bangsa takik. Bruk ngak hu ngak jeng oh sa janih di dom urang hu jao brei taneh blaoh nyu daok daong mikva hu taneh daok dang ngak sang hu taneh brei ka bruk ngak mbang dui sua atah. Ini jeng lac bruk kadha brei ka padang bruk ngak mbang, daong patagok kinh te - xa hoi jeng ye khik karo kajap taneh iar bhum palei./.