Hadei di tuk pagam haong tinh Binh Phuoc, Dong Nai hu 89 labik ngak kong hu taong abih taneh praong 43.000ha. Dalam nan, 44 Labik ngak kong hu ba tame ngak tani tanat.

Kein lagaih kayua taneh praong, tapak ndaok gam haong labik pambuak bhum lagaih di Tay Nguyen saong Ban raya HCM, Dong Nai hu srap gap buh prein peih praong labik ngak kong gah Barak (Binh Phuoc klak). Ban raya pataom buh jien tame ka ha tang jalan mbak pambuak, ndien, ia saong jitvu logistics, khik kajap bruk ya sa haong quy hoach taong abih.

Lambaok vakil Kongti Co phan Labik Ngak Kong Bắc Đồng Phú brei thau, 2 Labik Ngak kong hu taneh labaih 258 ha anak meta hu pabak, dui pachreih 117 danak dak, brei bruk ngak ka jaik 20.8000 urang ngak bruk. Pagun sanya janji ka bruk daong di labik patagok ha tang, ong Trịnh Công Mạnh, Phaok Tong Yan ndok Kongti Co phan KCN Bắc Đồng Phú ndom lac:

"Tuai damuai mai tal KCN Barak Đồng Phú brei hu daong taong abih dom harak gal tui hukum, meng bruk taduan harak gal tal luac jalan pandar harei hadei. Taphia nan, khol dahlak jeng biak caong khin dom urang dang akaok ban raya Dong Nai sangka dalam jang ngan haong dom KCN gah Barak, daong ba dom gah buh jien tame mai tal ini piah jhul bhum patagok cakrok khang catang jang.”

Di phuong Đồng Phú (huyen Đồng Phú, tinh Binh Phuoc klak), karja palei jeng daok jhul samar bruk peih paha mbaok taneh, peih praong KCN Nam Đồng Phú meng 69 ha tagok 480 ha. Piah raok dom urang ilamo saong urang ngak bruk, bhum palei hu brei dak Labik daok rahra Tân Tiến (100 ha) gam haong 17 ha taneh brei sang daok ka bhap bini rahra. Ha tang taka so di Pasak Duh bruk karja jeng hu salah blaoh, pamaong tal salih taka so taong abih.

Brei mboh bruk srap gap daong haong gah buh jien tame, ong Ngô Hồng Khang, Akaok UB Bhap bini phuong Bình Phước ndom khang lac, phuong daok peih ngak dom sarak brei lagaih yau daong ngak harak gal hukum saong daong taoh talaih kan kandah piah brei bruk buh jien tame laneing lanoi, cambaih laih:

"Tuk hu gah ngak mbang pablei salih duah thau lac khol dahlak hulin ngak yau habar ka gah pablei salih sahnang hatai dalam asal kadha brei ka dom harak gal pambuak tal bhum palei. Ka sa lac ka taneh riya, ka dua lac brei panuac ndom ka bruk quy hoach, padang samar abih, lagaih abih. Tuk karja hu gah ngak mbang pablei salih brei hu bruk daong haong bhum palei.”

Langiu gah ha tang ky thuat, kadha kuria ka urang ngak bruk jeng hu dom gah buh jien tame iek praong brei ka bruk sangka. Patagok KCN brei nao gam haong bruk padang he sinh thai an sinh rahra piah dui pachreih saong khik takai urang ngak. Ndom ka asal kadha ini, ong Trần Quang Tuấn, lambaok ka Kongti TNHH Dayi Textile,  di KCN Minh Hưng – Hàn Quốc (Ban raya Đồng Nai- daok dalam ban sit Chơn Thành, tinh Binh Phuoc klak) ndom lac:

"Dahlau tuk buh jien tame ka labik ngak kong njauk brei buh tame ka co so ha tang, ka bruk daok rai, kein lagaih pato megru, daok dang ka urang ngak bruk, piah pataom tame dui rahra nao tal nan, hu ginup prein pabak urang ngak bruk. Bruk dui pachreih sa mbang biak rilo gah ngak mbang pablei salih mai bo oh maong iek asal kadha anek menuac ngak tabiak bruk meraik khang catang ka urang ngak bruk, ba tal kurang saong oh pabak hu caong khin ngak tabiak bruk pablei salih.”

Meng sa bhum taneh daok thaoh rilo, bruk pambuak di meta maong iek atah dhua kuhria hadah bahrau saong jalan sahaneng duh abih hatai tian di karja daok ngak labik ini jeng “pasak” dui pachreih phun jien bahrau. Ini lac “gai kandeih” brei ka bruk kuhria, ba bhum gah Barak jeng bruk daong prein patagok bahrau, daong siam lagaih tame bruk kinh te siam mekre di Dong Nai dalam tukvak patagok taong abih saong karo kajap./.