Di phuong Dong Thanh, tinh Vinh Long, dom harei hadei di raya Tet, jalan nao mai dalam palei hacih sa-at, laneng lanoi. Anak dom baoh sang, mikva rami ramik mblang bein, pataom mek hareik hareim, ba-yar mbaok meta bhum sok ka nyu hacih sa-at, sron mbuan.  

Ngan saong mikva Khmer, Pesta raya Tet Chôl Chnam Thmây ieu lac harei roya prong abih di urang bangsa Khmer dalam thun, pambuak pagam haong rilo adat cambat tanarakun meng kan. Mada Yau nan mintapi, dalam rai diuk harei ini, Tet Nguyen ndan jeng ieu lac tukvak masa siam gheih piah ka mikva jum pataom, sua tangi rivang jirah gauk, ndom biai nao mai haong gauk dalam puk paga bhum srok saong dom urang bangsa adei sa-ai. Bruk pambuak gauk nao mai ilamo nan daok ngak brei kaya meda jang rai diuk glo akaok, patagok bruk gul pataom dalam bol bhap rah ra di dom bhum sok Khmer gah Meraong. Harei raya pesta Tet nan lac tukvak masa padeih padei di dalam sa thun ngak bruk glaih glar, tukvak masa piah kuhri kuhria ka bruk ngak mbang pala drak dalam akaok thun.  

Ong Thạch Dũng, urang ngak nong di puk Phu Ly 1, phuong Ndong Thanh, tinh Vinh Long brei thau:

“Tet Nguyen ndan thun ini di baoh sang akau dahlak uan raok Tet biak sampurna. Anek taco dalam sang pataom mbaok ginup abih, thei jeng chreih chai bui sambai. Mbang Tet min jeng kuhri kuhria patak pataom. Abih Tet ye dahlak tabiak rivang bein rivang hamu, caga buh khak pruh jru, caong khin ka thun bahrau mbuan laghaih”.

 Rilo mikva ngak bruk di dom sang mac hu gilac mai haong bruk ngak yaok harei, oh daok dom mbang main bui dui atah yau dahlau diah. Sa-ai Thạch Ri Na, palei daok di xa Long Hiep, urak ini daok ngak bruk di TPHCM, khan brei thau:

“Padei dom harei Tet, khaol dahlak taduan mek hu dom harei gul pataom biak siam gheih saong bui sambai dalam baoh sang, kakei gauk pacang khik pren yava saong padeih padei ka nyu siam laghaih. Urak ini dahlak akau jeng kuhria caga piah tame sa thun bahrau biak chreih chai saong bak pren khang”.

Sa kadha siam gheih hu mboh dalam tukvak masa raya Tet Nguyen ndan thun nethak athaih di dom bhum srok Khmer hu lac bruk an ninh trat tu hu khik siam saron mbon. Oh rah tabiak dom bruk karung karang; bhap bani thei jeng ngak siam ngak njauk tui adat hukum nagar, abih di nyu lac adat hukum nao mai angaok jalan mbak, pacang cakak  bruk kanjah jhak dalam bol bhap rah ra. Bruk menyum alak menyum mbia dalam dom harei Tết mboh trun jang, oh ngak srau dhau di dalam jammaah labik daok.

Gam gam haong di nan, bruk khik ramik hacih sa-at alam langik tasik moi truong, mbaok meta bhum srok hu patagok biak rilo. Rilo labik peih ngak bruk rami ramik pataom mek hareik hareim hadei di harei Tet, ngak brei ka labik daok hu hacih sa-at, siam gheih. Ini jeng lac baoh jeng siam mekre di mbang pathau khan, jak ba hu peih ngak samu gauk dalam bhum palei.

Tui karja palei, bruk sron mbuan, salamat dalam tukvak masa raya Tet thun nesak athaih brei mboh bruk ngak di dom chi mbo, mban bhap bani di puk palei saong urang hu angan je dalam bhap bani Khmer dalam bruk jak ba bhap bani peih ngak jalan diuk rai ilamu, patak pataom. Ong Huỳnh Văn Kim, akaok puk palei Xom Lon, xa Cau Ke, tinh Vinh Long khan brei thau:

“Raya Tet Nguyen ndan thun ini, mikva nao ngak mbang atah mai sang pataom mbaok ginup abih, ar thak biak bui sambai, trei sil, salamat. Bhap bani peih ngak siam dom adat hukum di karja, uan raok thun bahrau mbang Tet patak pataom, khik ramik hacih sa-at alam moi truong. Dalam puk palei oh rah tabiak bruk lahik saron selamat dalam palei”.

Urak ini rai diuk bhian harei hu gilac angaok dom bhum srok Khmer gah Pai Meraong nargar. Angaok mblang hamu, mikva sa-mar drah trun pajaih, mong iek phun pala. Di dom sang mac, xi nghiep, urang ngak njauk ka kip,  grap tanat tukvak masa ngak bruk. Di sang bac, anek saih daok gilac mai tal bac gam saong hatung hatai chreih chai bui sambai.

Akaok thun bahrau nao tapa, min ar thak bahrau jeng daok hu mboh dalam yaok bhum srok Khmer gah Meraong nagar. Meng sa mbang Tet trei sil, siam mekre saong patak pataom, bhap bani Khmer daok yam tame thun bahrau thun nesak athaih ngan haong hatai jia saong kham merat bahrau, kham merat ngak mbang mek hu rilo baoh jeng siam mekre, rik daong dak padang puk palei dak harai dak tani tanat, cak rok patagok karo khang kajap./.