Dang di taneh bhum Timur, xã Bom Bo của thành phố Đồng Nai (dalau diah lac xã Bom Bo dan saong Bình Minh di tỉnh Bình Phước) oh lac sa janih brei thau sa patau praong brei ka bruk masuh metak di bangsa drei jeng ye labik pataom intan yaom kaom ilamu praong glaong di urang bangsa S'tiêng.

Ralo thun blaoh tapa, halau ia di ilamu bangsa S’tiêng jeng daok nduac di dalam yaok urang angaok bhum taneh Bom Bo anh hùng. Khik kajap ragam ragu brei ka raidiuk jaman barau, dom rai urang bangsa di ini jeng ba gauk “khin apui piah khik ilamu siam makre di bangsa oh kurang lahik hu tui masa tuk wak hu tapa.

Yau ye, saai Điểu Thị Xia urang tuk halei jeng sa hatai khik kajap bruk ngak meng kan brei ka mayim jih dalah pataok khan bai, ngak ia tapaiy bhum palei. Nai Xia brei tahu lac, ieu lac sa urang anek daok di sóc Bom Bo, nai biak mboh hu mbaok mata bui sambai hatai brei ka sajarah di bangsa drei kayua maaik ame muk kei caik mai. Bruk ngak patagok ilamu bangsa jeng daok brei patagok jien mek tame daong ka saai Xia; jeng ye daong ka mikwa dalam bhum palei drei pakuran hu susah glaih glan dalam rai diuk.

Saai Điểu Thị Ghên (43 tuổi) jeng sa “urang ba apui” brei ka uranaih dam dara palei. Gam tui dua gah tangin gheih ghang, nai Ghên menyim jeng sa blah thổ cẩm gam tui bingula dreih yau mukkei dalau caik mai biak gheih biah chreih karei. Oh padeih di mayim papan, saai daok daok ba abih hatai jai brei ka bruk khik ramik ilamu ngak iai tape di urang bangsa S’tiêng. Nai tuk halei jeng ba hatai prein pato tacei yaok dang jih mrai, pato tacei pilih ruak ngak bingi ka iai tape ka anek kamuan.

Jalan atah dhua di xã Bom Bo urak ini ieu lac peih danak dak barau brei ka ilamu dan saong jirah; patagok jirah palei gam saong patagok drap ar ilamu gah ngak nông dan saong kik ramik ilamu bangsa S’tiêng masa tukwak 2025-2030; pataom prein patagok jirah mayao mayit blei salih tui angan “Bom Bo-Ilamu bangsa S’tiêng, labik jirah jammaah bhap bini.”

Ông Nguyễn Văn Phát, Akaok UBND xã Bom Bo brei thau cambac, dalam bruk khik caga rami ramik ilamu bangsa tukik, Bom Bo mboh hadah mbaok mata kayua hu Labik bảo tồn ilamu ngak ia tapaiy angan bangsa S’tiêng brei dak angan ilamu pakat nagar Di tích cấp quốc gia.

Di tích ilamu ini ieu lac sa labik khik ramik yaom kaom ilamu jeng brei ieik mbaoh ilamu binguk praong glaong di jaman masuh metak biak bijak “giã gạo nuôi quan – Juak brah raong bonlin” kan dalau. Tui di nan, bhum palei daok bhian peih dakwah pamadeih hatai ranam bangsa nagar brei ka anek saih jeng ye bhap bini, gam saong peih jalan brei ka srok Bom Bo dak harei dak patagok karo kajap.

Patagok jirah gam saong khik ramik pacaga dan saong paraong paglaong ilamu di srok Bom Bo, tdalam nan hu Khu khik ramik ilamu bangsa S’tiêng sóc Bom Bo ieu lac jalan ngak lagaih siam tui jalan karo kajap.

Ini oh lac sa janih sa jalan patagok kinh tế palei, blaoh nyu daok ieu lac bruk nagar brei bruk khik caga ilamu bangsa, papraong paglaong ilamu cách mạng, piah ka sap yawa di urang juak brah, ragu ragam daok miat miat gam saong dom yam takai urang jirah hu mai tal ini./.