Daok sa adit tra, bhap bini Cam saong tuai damuai chreih chrai uan raok Kate thun 2026. Dom harei ini, bruk chreih chrai di dom palei Cam di Lam Dong chreih chrai uan raok Kate. Mikva bhap bini ramik hacih meng akaok palei jalan mbak, tuan mbang ron, akhar huroh yaih khan ka harei roya. Dom kapol pasram tamia piah ka dom mbang parang iek. Dahlau di nan, meng harei 22/9 - 27/9, di xã Bắc Bình, Mentri Ilimo, Padhih the thao saong Yulit peih tal pato “Tal pasram peih ngak Kate siam mekre, khik ramik ilimo meng kan pambuak bruk yulit tathik kaoh pulao thun 2026”.

Tui kuhria meng harei 1 bilan 10, jalan peih drah samar Bến Lức - Long Thành brei peih radaih  saong ba tame ngak bruk abih jalan. Dom radaih peih angaok jalan peih drah samar 90km/h, peih biar abih lac 60km/h. Yau nan tuk peih di angak jalan drah samar, bruk nao mai abih takik tukvak jang sa mon dut saong nao tui jalan klak tapa dom jalan di TPHCM. Jalan Bến Lức - Long Thành atah jaik 58 km lac jalan pambuak  bhum gah Pur Meraong negar jeng yau bhum kreh Pur Meraong Negar haong gah Pei meraong negar.

UBND TPHCM birau mbaoh harak ka yaom pah taneh katut abih ngan haong 10 mblang taneh di dom phuong di Binh Duong dahlau diah. Harak Hop dong brei pah taneh brei ngak cambaic laic bruk padeih pambuak bruk, jao veik taneh saong drap ar di taneh  tuk Karja njauk mek veik taneh atau peih ngak danak dak to yaom, brei pandar taneh  saong oh ndok kein laba atau bruk bayar jien, daong jien suan hukum.

Di tỉnh Ca Mau, hajan praong dui atah ngak labaih 21.000 hecta padai saong jalan medil do thi dauk dalam ia rilo mon ba tal bruk nao mai kan kandah. Kuhria khat lahik camereip 548 trieu dong. Anak bruk ia dauk, Pasak khik iek danak dak pambuak dom jalan peih tathuak ia tuk ia trun, kuac ia nduac tabiak, pandar mac njuk pruh ia di dom labik dauk. Meyah langik saong ia ndik hu lagaih, tui kuhria labaih 3 harei tathuak ia, plaik njiak ia dauk.

Harei ini, TPHCM saong gah Meraong negar hu hajan praong. Njauk caik hatai, ia ndik glong di TPHCM, jaik atau tapa pakat 3, njauk tuk urang ngak bruk mai sang yau nan ye bhap bini brei pacang caga ia dauk di dom labik. Di dom bhum tathik meng Lam Dong tal Cà Mau, meng Cà Mau tal An Giang, langik biak lagaih ka urang nao tathik taong chap ikan saong bruk nao sirah di tathik, kaoh pulao. Yau nan min, dalam hangin hajan  meda hu hangin khang, tanrak jakala. Urang nao tathik saong dom kapal gilai ngak bruk di tathik brei tui iek langik tani tanat.

Trung Quoc pandar jien kadung karja daong laba lap ka dom phun jien mesre blei sang daok. Dom baoh sang brei ginup praong 120 m2 saong blei oh tapa 1,5 trieu nhan dan te ( labaih 5,8 ty dong). Jabat  jien padai daong dalam 5 thun. Tui iek darak kuhria, dom jalan daong jien piah Trung Quoc ngak hu bruk kinh te ba tabiak meng akaok thun.

Hàn Quốc ndem puac Trieu Tien likau ma-ah saong ngak dom bruk pambak tal bruk patuh bo Han Quoc lac mìn di Triều Tiên rah tabiak di Labik langiu bol lin di adit dahlau diah. Dalam tuk nan, Hang thong tan pakat trung uong Trieu Tien (KCNA) ba panuac di amuk Kim Yo-jong, adei kumei di ong Kim Jong-un, khan lac Hàn Quốc “ ngak mengak kaya” saong kakei dahlau Han Quoc taduan ka bruk ngak ini.

Tong thong Mỹ Donald Trump kuhria meda hu 32 harei jak ba meriak gauk buh phieu palih ruah di bilan 11 anak tal piah khik iek Quoc hoi dalam tuk dom mbang dut iek mboh đảng Dan chu hu kein laba. Bruk palih ruah harei 3/11 anak tal meda ba tabiak đảng Cộng hòa khik quyen pasang iek Ha vien saong Thuong vien Mỹ atau oh./.