VỀ NƠI THÁP THIÊNG VUI HỘI KATE

MAI BHUM BIMONG KALAN BUI SAMBAI HAREI KATE

Harei ini, sa-ai Đào Thị Linh Huyền, urang pok panuac khan yaih Inem mek di bimong kalan Po Sah Ine, tinh Lam Dong hu mbaok aval jang dom harei, khan ao jeng gheih jang piah ngak bruk dalam bingun harei Kate.

Grauk mblang bein di labik Inem mek bimong Kalan Po Sah Ine sameng yava sap Ginang, Baraneng, Saranai saong grong hlai ragam ragu gam gam haong gauk, ngak jeng yava sap gheih karei di Harei Kate. Di bimong kalan Po Sah Ine, rah tabiak rilo danak dak ilamo duh ka mikva bangsa Cam jeng yau tuai damuai.

Ong Chế Quốc Minh urang mai meng palei Cawait Lạc Trị, xa Liên Hương brei thau, dom jalan ngak brei ka njauk adat cambat bhap bini rahra di bangsa Cam, min jeng brei khik kajap njauk tukvak saong oh ngak chung adat.

Biar harei meng tuk 15 tuk 30 minit harei ini, dom halau janeing Ahier ngak adat likau salamat di bimong pasak. Po gru Thông Minh Toàn daok di palei Craoh Tang Lâm Thuận, xa Hàm Thuận Bắc lac Phaok Akaok Kapul halau janeing Cam Ahier Lam Dong. Akaok Mban ngak Adat do bimong Po Sah Ine brei thau, taong abih hu srap gap ka harei Kate 2026.

Piah ka Harei Kate di bimong kalan Po Sah Ine hu peih praong prang tui adat urang Cam labik ini, mikva urang bang Cam di palei 3, xa Hàm Thuận, tinh Lam Dong (labik Hàm Thuận Bắc, Binh Thuan klak) jeng hu srap gap kapul hala dok, ghe papan konmare, payung ndon kapul adaoh tamia, kapul hlai ragu ragam, kapul raok yang mabang… piah pok da-a khan ao angui cuk yang Po Sah Ine tagok bimong kalan A (bimong pasak) di paguh page 10/10.

Ong Thông Minh Lợi daok di palei 3, xa Hàm Thuận – Akaok Kapul kalan bimong Po Dam – urang dang ngak bruk dui ba kapul raya adat brei thau: “Ndom ka adat cambat di mukkei caik veik yau habar ye drei ngak yau nan…”

Labaih 20 thun tapa, harei Kate di bimong kalan Po Sah Ine hu jeng labik pagun sinya di yaok ribau bangsa Cam saong jeng lac labik mai jirah rivang di rilo tuai damuai jirah anit ranam ilamo Cam dalam saong langiu negar./.