Tui urang bangsa Cam, harei Katê oh lac tukvak piah taom gaok, ma-in bui blaoh nyu daok lac tukvak piah gilac veik mai haong dom yaom ilamo daok hu khik ramik tapa rilo rai rah thun bilan. Adat cambat, sap Ginang, sap kadait Saranai, ragam tamia, dom blah khan ao gam haong dom dalikan hu dak caik meng rai ini tapa rai diah ngak jeng ar thak ilamo biak karei di harei roya. Dalam rai diuk harei ini, harei roya Katê daok peih prong labik ngak, hu jeng tukvak pagul piah ka bhap bani saong tuai damuai gam hu mbaok tame, ma-in iek saong duah thau ka ilamo bangsa Cam.

Thun ini, harei Katê di Khánh Hòa rah tabiak meng harei 5 – 12/10. Harei 10/10, dom adat raok khan ao po yang, cuh gilau ngak adat hu peih di dom labik yang yau bimon kalan Po Klong Garai, bimong kalan Po Rômê. Gam haong bruk ngak adat, dom bruk ngak ilamo, adaoh tamia, padhih, kadha ma-in bhap bani saong meyaih khan ndap nda puk palei ngak jeng sa labik ngak yang gam prong glaong, gam jaik taphia.

Kadha njauk caik hatai di harei Katê thun ini nan lac labik inem krung hu pambuak atah meng dom bimon kalan Cam trun tal dom palei ngak. Meng dom bruk ngak adat cambat di bimon kalan Po Klong Garai, Po Rome tal mblang taneh palei Hamu Craok, dom yaom ilamo Cam hu khan veik tui rilo jalan ngak, pambuak pagam inem krung hu mboh di meta saong inem krung oh mboh di meta.

Di xa Ninh Phuoc, Harei roya lan Cam Hamu Craok mbang ka sa rah tabiak meng harei 10 – 12/10, ngan haong bruk hu mbaok di dom puk palei jaik taphia. Hamu Craok oh lac tok hu dom ndap nda lan am duh ka rai diuk bhian harei saong darak pasar. Gah likuk yaok baoh gaok, glah atau dom ndap nda parang iek nan lac ilamu saomh jalan khik ramik bruk ngak di bhap bani Cam tapa rilo rai rah. Bruk ba bruk ngak lan tame dalam harei Katê hu daong ka tuai damuai taom gaok hu inem krung meng sa meta mong biak jaik taphia, tapa tukvak peih ngak saong rai diuk di bol bhap rahra.

Di harei roya, bhap bani rah padie saong tuai damuai jirah meda hu mong iek ndap ndap lan am, ngak lan, duah thau ka bruk menyim jih dalah, mbang menyum saong dom janih ndap nda di puk palei. Meng taneh, palak tangin urang ngak tal yaok janih ndap nda hu ngak tabiak, bruk ngak lan hu meyaih khan oh lac tok hu dom janih ndap nda hu ngak salah blaoh bo daok meng vaktu peih ngak. Jalan taom gaok ini jeng peih tabiak sa jalan ngak bahrau piah inem krung mai jaik jang haong bhap bani.

Tuk ba drei tame papat haluk lan, mbeik lan saong duah thau ka ilamu ngak lan, uranaih oh lac tok taduan mek hu ilamu ka sa bruk ngak meng kan blaoh daok hu mbluak jang bruk pambuak pagam haong labik ngak ilamo di bhap bani drei. Di harei roya, bhap bani saong tuai damuai meda ba drei tame ngak gaok glah lan am, duah thau ka bruk ngak jih dalah, mbang dom kaya mbang meng kan saong dom ndap nda di puk palei.

Ilamu ngak gaok glah lan am di urang Cam hu UNESCO ba tame danak dak angan inem krung ilamo oh mboh di meta caong khin hu pacang khik chip. Kayua yau nan ye, dalikan di Hamu Craok oh lac padeih veik di bruk cak rok patagok ndap nda, blaoh daok ba tabiak caong  khin patui khik urang ngak, palaghaih piah uranaih bac megru bruk ngak saong patui veik tacei pato dom ilamu ngak lan ndung ba inem biak karei di bhap bani.

Gam saong harei Katê, dom adat cambat, paling, kaya mbang saong dom bruk ngak dalam bhap bani meda patui veik pren diuk tuk hu peih ngak biak biai dalam rai diuk. Bruk pambuak pagam bimon kalan Cam haong palei ngak, ba bruk ngak ma-in tame dalam harei roya kayua yau nan ye hu palaghaih jang ka tuai damuai taom gaok haong inem krung.

Meng dom adat cambat hu peih ngak di bimon kalan Po Klong Garai, Po Rômê tal palei ngak gaok glah lan am Hamu Craok, dom yaom ilamo Cam hu khan veik tui rilo jalan ngak, pambuak gam haong inem inem krung hu mboh di meta saong inem krung oh mboh di meta. Ini jeng lac jalan ngak piah ka bhap bani brei mboh labik dang di drei dalam bruk khik ramik, tacei pato saong patagok dom yaom ilamo di drei.