Harei Kate hu ngak meng bruk raok ciat khan ao angui cuk Pô Klong Garai meng palei Mblang kacak, xa Phước Hậu nao tal Bimong kalan Po Klaong Girai. hu mbaok tame kapul raok khan ao angui cuk di luac jalan atah 6km, daok hu dom mikva urang bangsa Raglai (Phước Hà) haong pachan di tangin. Patui veik lac dom urang kamei Cam ngui cuk khan ao bangsa. Yaok yam takai di kapul raok khan ao gam haong sap Ginang, sap Saranai yava saong sap pachan, saraken di bangsa Raglai.

Kapul urang nao tal takai bimong Po Klaong Girai dak harei dak rilo. Nao akaok lac Po Adhia saong tui likuk lac dom halau janeing Cam Ahier daok nao tui ngak dom adat di adat peih bambang bimong.

Ong Thành Nhảy, sa urang hu ilamo bangsa Cam brei thau, langiu bimong Po Klaong Girai, Harei Kate daok rah tabiak di dom bimong kalan karei di tinh Ninh thuan klak urak ini lac Khanh Hoa yau ye: Kalan Po Ine Negar, Bimong Pô Rômê. Hadei tuk salah blaoh harei Kate di palei saong hadei nan lac yaok baoh sang pataom gauk raok uan Harei Kate.

Dahlau di nan, di dom palei Cam Ahier daok di dom xa Phước Hữu, Phước Hậu, Ninh Phước, Thuận Nam, Ninh Hải; phuong Bảo An saong phuong Đô Vinh, hu peih ngak dom daak dak adaoh tamia, pahat padhih; kadha me-in bhap bini, kadha kacah bruk ngak lan, menyim jih dalah…, ngak jeng bruk cheih sambai dalam tukvak rah tabiak harei raya.

Ong Hán Dương Khanh, Bi thu Chi bo palei Hamu Tanran, xa Phước Hữu, tinh Khanh Hoa brei thau, kayua hu srap gap meng dahlau, nan dom danak dak taphia raya Rah tabiak biak chreih chrai, dui pachreih rilo urang Cam dalam tinh jeng yau rahra saong tuai janguai hu mbaok tame, duah thau ka harei Kate.

 Bruk chreih chrai di Harei Kate sameng di grauk palei Cam, min thun ini, urang Cam tinh Khanh Hoa hu mboh hadah mbaok meta: Harei raya lan am Cam Hamu Craok mbang ka I hu peih ngak pagam haong harei Kate.

 Harei raya cam hamu Craok hu mbaok di rahra dombhum palei jaik taphia saong dom nghe nhan lan am Cam Ragaok Bình Đức (xa Bắc Bình, tinh Lam Dong) mai tal bui sambai haong gauk.

 Piah srap gap ka Harei raya lan am Cam Hamu Craok, UB Bhap bini xa Ninh Phước, tinh Lam Dong hu buh tame 4,3 ty dong piah pasiam pakajap, pakajap jalan Trương Định atah jaik 1 km pambuak Jalan Raya 1 ngan haong jalan tinh 703 nao tapa palei Hamu Craok. Saong piah ngak jeng bruk gheih mekre, bhum palei hu ngak gheih mekre caik 149 jeik lan am di jalan ini.

 Amuk Não Thị Chánh, daok di palei Hamu Craok, xa Ninh Phước, tinh Khanh Hoa brei thau, lan am Hamu Craok dak harei dak salih siam bahrau min jeng khik tamo yava di sa palei ngak bruk daok rai tapa rilo rairah urang Cam. Dom jalan hu ngak gheih gam haong dom kaya lan am ndung bak ilamo bangsa daok ngak jeng mbaok meta bahrau ka palei lan am Cam hamu Craok – labik drap ar ilamo oh tok hu khik ramik blaoh daok hu pamedeih piah jeng labik mai tal ka jirah rivang ilamo gheih karei.

“Dahlak biak bui sambai kayua jalan hu ngak bahrau, anek saih mai tal sang bac sahnang hatai jang. Di jalan daok caik jeik lan am hamu Craok biak gheih ghang. Rahra palei Hamu Craok ini thun ini raok Kate biak bui sambai, chreih chrai".

Harei Kate brei mboh ka dom yaom kaom ilamo siam gheih di bangsa Cam. Tapa harei raya dom yaom kaom ilamo bangsa Cam tinh Khanh Hoa hu khik ramik saong patagok.

Nguồn ảnh: Heritage