Dalam tukvak meng 2020-2025, bruk pasang iek saong ngak tui hukum adat Ndang di tinh Dal Lak hu peih ngak gam yau gauk, taong abih dalam dom gah, daong khik kajap adat dalam Ndang, patagok prein dang akaok saong prein kham merat di kapul labik Ndang. Dalam tinh hu ngak labaih 3.600 mbang pasang iek kapul Ndang, labaih 103.000 urang ndang; langyah yaok ribau harak mbuah kan, yak, panuac ndom meyai, tapa nan hu mboh samar, pacang cakak caga bruk ngak chung, pakajap hatai dalam urang jakar, urang ndang saong rahra.

Di pakat palei, rilo Ndang uy hu ngak cambaih laih hatai pasang iek bhian meng bruk thau tani tanat, tui iek bruk di yaok chi bo. Ong Nay Y Blun, Bi thu Ndang uy xa Sơn Hòa, brei thau:  “Hu peih ngak tacei pato haong gauk tal yaok chi bo saong Ndang uy jeng rabha dom urang dalam Mban Thuong vu Ndang uy dui ba dom chi bo saong dui ba mbon palei peih bruk pathau khan ka Asal kadha di Ndang jeng yau bruk patagok kinh te saong patani taanat an ninh siam mekre di yaok mbon palei.”

Tui ong Hồ Quang Đệ, Phaok Chu Nhiem Uy mban Pasang iek Tinh uy Dak Lak, bruk ngak hu tapa pasang iek hu daong ka dom pakat uy Ndang mboh cambaih ka bruk lagaih, oh lagaih, meng nan paglaong bruk ngak: “Tapa pasang iek hu daong dom pakat uy Ndang taong yaom njauk dom bruk lagaih piah patagok, pacang cakak, pasiam dom bruk oh lagaih; padang jalan pasiam dom bruk ngak suan hu tacei tabiak. Meng nan, ilamo thau ka bruk di dom pakat uy, kapul Ndang, jabat, labik, urang ndang ngan haong bruk pasang iek pasang brei hu paglaong.”

Dalam tuk tinh Dak Lak hu ngak bruk karja palei dua pakat saong jhul khang bruk salih lek taka so dalam bruk pasang khik Ndang, bruk pasang iek hu brei mboh lac bruk hu makna dalam padang Ndang tukvak mai meng anak tal. Tinh uy Dak Lak pato tacei salih khang meng bruk pasang iek yaok tukvak tapa pasang iek bhian; pasang iek di angaok bruk kadha; thau tani tanat ka bruk, kakei caga bruk ngak suan meng bahrau tamuh tabiak, tapa nan paglaong bruk tantu cambaih laih saong bruk ngak jeng di adat Ndang. Brei mboh jalan ngak nan, Bi thu Tinh uy Dak Lak Nguyễn Đình Trung ndom meyai lac: “Dalam tukvak 2025-2030, Ndang bo brei ngak khang catang, ginup dom adat dalam bruk pasang iek. Dalam nan brei caik hatai sangka, salih bruk pasang iek tapa bruk pasang iek meng di bruk ba tabiak sarak, dom adat, ngak patruh, bac megru tal bruk padang ngak – oh cang tal bruk iek veik atau iek veik taong abih ka meng pasang iek.”

Gam tui hatai kham merat salih bahrau taong abih, Ndang mbo tinh Dak Lak daok ba bruk pasang iek jeng sa “hala pacang” piah pacang cakak bruk ngak chung saong daong prein paglaong bruk dang akaok, prein ngak bruk di taong abih majam politik. Meng bruk pasang iek bhian tal bruk pasang iek di angaok du lieu lek taka so, grauk bruk ngak jeng pamaong tal jalan ngak khik kajap adat bruk ngak, pasiam hatai je di urang jakar, urang ndang saong rahra – brei bruk karo kajap piah Ndang mbo tinh Dak Lak yam tame jaman patagok bahrau, padang kapul Ndang biak tantu cambaih laih, khang kajap, ngak bruk hu siam lagaih./.