Di kapul bhum palei Bon Đưng 1, phuong Lang Biang – Đà Lạt, ong Păng Ting Sin, urang bangsa K'Ho dhan gauk urang bangsa Lạch, rilo thun ini mai jeng kham merat pato kong caing, adaoh bhap bini saong dom alat ragam bhap bini bangsa. Lac Bi thu Chi bo, gam haong nan lac akaok kapul kong caing Bon Đưng hu 15 urang, ong tuk halei jeng maong bruk khik ramik ilamo lac sa bruk di drei gam saong bhap bini:

“Meyah khol drei oh khik ramik jeng ye paglaong ilamo ini di drei ye nyu tantu kurang lahik janih ilamo siam gheih. Tui urang bangsa takik di takai ceik Lang Biang lac khin pato ka anek taco thau me-in ilamo kong caing, ragam adaoh bhap bini, ragam tamia bhap bini. Khik ramik saong patagok ilamo bangsa labik bhum di drei, caik ka rai rah harei hadei.”

Meng dom urang praong thun naik gheih dom mbon palei di tinh Lam Dong, hatai anit ranam ilamo bangsa hu caik jao ka rai rah harei hadei. Hu pato meng dom urang naik gheih praong thun, rai rah dam dara harei ini hu daok patui jalan khik ramik ilamo. Sa-ai Kră Jăn Jun Guy, urang bangsa K'Ho dhan Lạch daok di kapul palei Dang Ja, phuong Lang Biang – Đà Lạt lac urang dalam kapul urang naik gheih hu 22 urang. Tui sa-ai, sa mbang me-in kong caing oh sa janih lac yaih khan ilamo blaoh daok lac bruk piah ka rai rah uranaih dam dara sit umo thau mboh hadah mbaok meta ka halau agha. Sa-ai Kră Jăn Jun Guy, brei thau:

“Urak ini dom kapul kong caing jeng daok dak padang, patagok dom ilamo siam gheih di bangsa bhap bini. Dalam raidiuk daok dang yaok harei jeng patui pato ka dom rai rah uranaih dam dara urang sit umo pambuak haong gauk, pambuak me-in haong dom tuai damuai, tuai damuai dunya mai tal duah thau, roh duah saong ba drei tame.”

Di labik ceik glai Lang Biang, sap kong caing jeng yava tagok yaok tuk mbon palei hu raya adat. Di dom daneing menyim bangsa, yaok mbaik gai menyim talei mrai hu menyim tame gauk pak jeng bingula ba tui inem krung di rilo rai rah menuac urang. Dom sap yava, sambo bar nan jeng daok hu khik ramik, pato padar meng dom urang hu angan je dalam bhap bini urang bangsa takik, dom urang daok gandi gandang pambuak atah ilamo bhap bini bangsa.

Di xa Đơn Dương, labik mikva urang  bangsa takik hu jaik 40% rahra, rilo palei ngak bruk bhap bini saong kalup kapul kong caing jeng daok ngak bruk siam lagaih meng bruk daong di kapul urang ini. Amuk Lê Thị Hồng Nhung, Phaok Akaok jabat Ilamo – Rahra xa Đơn Dương, brei thau, 12 urang taha palei, urang hu angan je dalam xa lac urang hu makna ka bruk gul pataom dalam bhap bini, pathau khan jalan di Ndang, sarak hukum di Karja, jak ba rahra khik ramik bruk ngak bhap bini, khik ramik adat cambat siam gheih:

“Xa Đơn Dương hu dom palei ngak bruk yau ye palei ngak karah pariak di palei Ha Wai, tal pak yot di palei Đa Hoa, blaoh hu dom kalup kapul kong caing. Dom urang hu angan je pambuak pathau khan dom jalan ngak, sarak di Ndang jeng yau lac langyah khan brei thau, patagok dom yaom kaom di bruk ngak bhap bini di bhum palei. Dom urang nan pambuak haong Akaok palei, Bi thu chi bo jeng yau dom Mban, dom gah, kapul, dom labik aguma gam haong karja palei dalam bruk khik ramik adat cambat”.

Oh padeih di bruk khik ramik, Lam Dong daok brei mboh ilamo lac prein dalam ka bruk patagok. Di jalan pamaong iek tal cakrok patagok dua lek taka, Lam Dong padang majam jirah rivang ilamo hadah krah, ba kong caing, jih dalah, alat ragam bangsa, adaoh tamia bhap bini pambuak haong bruk ngak hadah bahrau piah ngak jeng dom kaya ilamo hu tagok yaom kom.

Di kapul bhum palei Bon Đưng 1, phuong Lang Biang – Đà Lạt, ong Păng Ting Sin, urang bangsa K'Ho dhan gauk urang bangsa Lạch, rilo thun ini mai jeng kham merat pato kong caing, adaoh bhap bini saong dom alat ragam bhap bini bangsa. Lac Bi thu Chi bo, gam haong nan lac akaok kapul kong caing Bon Đưng hu 15 urang, ong tuk halei jeng maong bruk khik ramik ilamo lac sa bruk di drei gam saong bhap bini:

“Meyah khol drei oh khik ramik jeng ye paglaong ilamo ini di drei ye nyu tantu kurang lahik janih ilamo siam gheih. Tui urang bangsa takik di takai ceik Lang Biang lac khin pato ka anek taco thau me-in ilamo kong caing, ragam adaoh bhap bini, ragam tamia bhap bini. Khik ramik saong patagok ilamo bangsa labik bhum di drei, caik ka rai rah harei hadei.”

Meng dom urang praong thun naik gheih dom mbon palei di tinh Lam Dong, hatai anit ranam ilamo bangsa hu caik jao ka rai rah harei hadei. Hu pato meng dom urang naik gheih praong thun, rai rah dam dara harei ini hu daok patui jalan khik ramik ilamo. Sa-ai Kră Jăn Jun Guy, urang bangsa K'Ho dhan Lạch daok di kapul palei Dang Ja, phuong Lang Biang – Đà Lạt lac urang dalam kapul urang naik gheih hu 22 urang. Tui sa-ai, sa mbang me-in kong caing oh sa janih lac yaih khan ilamo blaoh daok lac bruk piah ka rai rah uranaih dam dara sit umo thau mboh hadah mbaok meta ka halau agha. Sa-ai Kră Jăn Jun Guy, brei thau:

“Urak ini dom kapul kong caing jeng daok dak padang, patagok dom ilamo siam gheih di bangsa bhap bini. Dalam raidiuk daok dang yaok harei jeng patui pato ka dom rai rah uranaih dam dara urang sit umo pambuak haong gauk, pambuak me-in haong dom tuai damuai, tuai damuai dunya mai tal duah thau, roh duah saong ba drei tame.”

Di labik ceik glai Lang Biang, sap kong caing jeng yava tagok yaok tuk mbon palei hu raya adat. Di dom daneing menyim bangsa, yaok mbaik gai menyim talei mrai hu menyim tame gauk pak jeng bingula ba tui inem krung di rilo rai rah menuac urang. Dom sap yava, sambo bar nan jeng daok hu khik ramik, pato padar meng dom urang hu angan je dalam bhap bini urang bangsa takik, dom urang daok gandi gandang pambuak atah ilamo bhap bini bangsa.

Di xa Đơn Dương, labik mikva urang  bangsa takik hu jaik 40% rahra, rilo palei ngak bruk bhap bini saong kalup kapul kong caing jeng daok ngak bruk siam lagaih meng bruk daong di kapul urang ini. Amuk Lê Thị Hồng Nhung, Phaok Akaok jabat Ilamo – Rahra xa Đơn Dương, brei thau, 12 urang taha palei, urang hu angan je dalam xa lac urang hu makna ka bruk gul pataom dalam bhap bini, pathau khan jalan di Ndang, sarak hukum di Karja, jak ba rahra khik ramik bruk ngak bhap bini, khik ramik adat cambat siam gheih:

“Xa Đơn Dương hu dom palei ngak bruk yau ye palei ngak karah pariak di palei Ha Wai, tal pak yot di palei Đa Hoa, blaoh hu dom kalup kapul kong caing. Dom urang hu angan je pambuak pathau khan dom jalan ngak, sarak di Ndang jeng yau lac langyah khan brei thau, patagok dom yaom kaom di bruk ngak bhap bini di bhum palei. Dom urang nan pambuak haong Akaok palei, Bi thu chi bo jeng yau dom Mban, dom gah, kapul, dom labik aguma gam haong karja palei dalam bruk khik ramik adat cambat”.

Oh padeih di bruk khik ramik, Lam Dong daok brei mboh ilamo lac prein dalam ka bruk patagok. Di jalan pamaong iek tal cakrok patagok dua lek taka, Lam Dong padang majam jirah rivang ilamo hadah krah, ba kong caing, jih dalah, alat ragam bangsa, adaoh tamia bhap bini pambuak haong bruk ngak hadah bahrau piah ngak jeng dom kaya ilamo hu tagok yaom kom.