Dang anak riyak tagok ban medin khang catang, di rilo kateik geik salih di raidiuk bahrau, kadha sua tangi “Ngak habar piah khik apui drap ar oh kurang lahik?” oh sa janih lac bruk duh hatai di dom urang gheih tangin palei abih hatai tian blaoh daok lac bruk duh hatai di urang dang akaok pan bruk di dom pakat karja.

Di dom bhum taneh hu rilo mikva urang bangsa takik, karja saong rahra bhum palei hu srap gap duah tabiak panuac javap calei meng bruk ngak lagaih. Di dom palei, puk bhum tapen negar, rilo tal pato bruk jhik menyim jih dalah, jalan pa-auk alak tapai meng hala glai, pahe bangi, bruk pak yot…gam haong dom kalup kapul ilamo bhap bini gam gam hu tabiak rai. Nan oh tok sa janih lac labik pato jalan ngak di dom rai rah nao dahlau, blaoh daok hu makna jang lac pamedeih hatai anit ranam drap ar dalam hatai rai rah dam dara sit umo.

Bruk naih gheih lac bruk padang Kalup kapul Ilamo bhap bini X’tiêng xa Tân Hưng hu 35 urang dalam. Urang dalam kapul sit umur di abih bahrau 9 thun, adei Điểu Duy Thành khan brei thau lac drei bac taong kong meng ong pajeng drei:

"Adei chreih pang ặp, sap paoh taoh. Yaok mbang tataoh brei tui ragam saong brei pang sap biak bangi pang. Kan abih lac taong hagar, tuk pasram brei pasram samu gauk!”

Xã Tân Hưng hu labaih 35.900 pabah mbang, dalam nan urang bangsa X’tiêng pablak 30%. Sahaneng mboh lac bruk khik ramik yaom kaom ilamu palei brei khik ilamu ngak tui sarak Nghị quyết Raya Đại hội Đảng bộ xã mbang ka sa, brei mboh lac: "Ilamu ieu lac janih prein khang praong brei patagok kinh tế - xã hội dan lac sa janih prein dalam di palei". Ông Mạc Đình Huấn, Bí thư Đảng ủy xã Tân Hưng brei panuac lac, bruk praong ralo di abih ieu lac ngak yau habar pamadeih glao akaok sahaneng, tangung jawap brei ka bruk khik ilamu di bhap bini:

"Tapa dom urang di kalup, dom kapul hu ieik glang tani tanat, daong ka bruk khik glang jeng ye patagok ilamu njauk tui jalan di Đảng, Karja nagar. Meng dom asar ilamu ini daong prein ngak yau habar piah ka ilamu jeng janih prein dalam piah patagok bruk chul khang catang taong abih janih dalam xã Tân Hưng dak harei dak siam gheih jang ".

Luac jalan ngak di Đồng Nai ieu lac panduan salih meng bruk kandang khik ilamu tapa ba hatai khik, pagam bruk khik ilamu patagok jirah ieik. Bilan 6 barau blaoh taong inem hu tuk Inem ilamu Sóc Bom Bo hu brei angan Inem pakat nagar. Di labik khik inum ilamu bangsa X’tiêng Sóc Bom Bo, dom baoh dalikan sajarah di dalam tapuk hu brei ngak tapa dom panuac khan dak dalikan gheih si pang, tui ragam gong caing juak brah thaok brah di glai ceik. Urang bangsa X’tiêng dang main dang ngak ieik, khan yaih dom bruk ngak meng kan yau ye gak jaot, menyim khan bai, riak alak tape... Bruk ngak mboh hu jien tame karo, daong ka mikwa ndam gam jang song drap ar ilamu. Ông Phạm Anh Tuấn, Giám đốc Pasak Dịch vụ tổng hợp xã Bom Bo brei thau lac:

"Urak ini khol akau dahlak hu sa hala fanpage brei khan yaih ka drap ar mek angan Âm Vang Sóc Bom Bo. Di angak hala ini urang jirah duah mboh dom janih ilamu siam gheih di urang bangsa Xtieng. Ini jeng ieu lac sa janih siam gheih brei ka drap ar ilamu bangsa. Tuk hu ralo urang thau urang mai jirah jeng ieu lac hu ralo janih jalan kein brei ka jien tame di adei saai urang gheih tangin nghệ nhân bangsa Xtieng".

Oh sa janih di Bom Bo, ralo palei di Đồng Nai jeng kham marat khik ramik ilamu bangsa yau ye ngak harei raya ilamu oh mboh di mata yau Raya Dua tpeng (Phá bàu) urang Khmer, Raya Sayangva (yang padai) di urang Chơro...

Piah “apui"ngọn lửa" di drap ar oh padam, prein ilamu di sarak Nghị quyết daok hu Đồng Nai pacambac meng dom danak dak ngak yau ye ngak tape, menyim pataih khan bai chuẩn OCOP meng 3–4 sao, gam tui di nan ba kaya ndap nda tagok pablei online.

Mboh lac, jalan patagok bruk ngak mbang di Đồng Nai oh sa janih khik ilamu bangsa blaoh daok hu sa jalan patagok kinh tế - xã hội karo kajap brei ka rah ra bhap bini urang bangsa takik.

Satung sahatai tui jalan di karja jeng ye prein di urang bangsa ieu lac sa "baoh anek cil ameh " piah ka Đồng Nai gam khik hu ilamu gam patagok ngak mbang di jaman barau./.