10 bilan blaoh tapa, abih majam chính trị politik tinh Dong Thap kham marat yam tapa kan kandah di bruk karja 2 pakat; patui di nan chul khang bruk pakacah gauk ngak mbang blei salih kham marat ba hatai caong khin mek hu 2 anek angka so di Rajaei.

Xa Hội Cư ieu lac dom palei hu kinh te rok rak kayua hu kein lagaih brei ka bruk ngak apuh ngak bein jeng ye ngak mbang blei salih mayao mayit. Taong abih dalam xã hu jaik 3.500 ha bein phun kayau mbang baoh, ralo abih hu durian saong panat, gam meng labaih 83.100 tan; hu 247 công ty blei salih brah dan saong labaih kurang 2.300 jabat labih ngak mbang blei salih drei taeng. Tal bilan 10 thun ini, xa mek hu 10/12 tanut pakat tỉnh jao. Jien mek tame yaok akaok manuac hu 84 trieu dong/thun. Ong Trần Thanh Thuận, Akaok UB Bhap bini xa Hội Cư brei thau:

 “Ndom mayai lac, yaok thun xa jeng kham marat ngak tui Sarak di Ndang. Thun ini, karja palei tagok yaom hu meng 8,4 - 8,5%. Daok bruk patagok 2 angka so mada kham marat patagok dalam masa mbiah tal thun 2030. Dua gah ngak mbang asar gah chai brah jeng ye baoh karaoh. Masa jaik di ini, sang bein jeng hu kham marat pala durian yau nan ye baoh karaoh yaom kaom jeng hu tagok”.

Piah paglaong dom bruk ngak hu, gah jirah Dong Thap daok salih bahrau brei ka bruk ngak, patagok kaya kan bahrau, jhul khang bruk ngak, khan yaih jeng ye preu ieu urang buh jien tame patagok jirah tantu di nyu. Anak di mata, Pahasa Hiệp hội Jirah tỉnh pambuak saong Hiệp hội Jirah Ban raya Hồ Chí Minh dang ngak danak dak famtrip dan saong main padhit rup piah pachreih, khan yaih dom kaya ngui drap ar jirah di bhum palei. Muk Lương Thị Diễm Trang, Akaok Pahasa Hiệp hội Jirah tỉnh Dong Thap brei thau:

  “Hiệp hội pahasa daok caga sa danak dak praong, nan hu famtrip dan saong mayao mayit pickleball gam saong Hiệp hội Jirah banraya Hồ Chí Minh. Hiệp hội jeng caong tame bruk ini, mayah hu dom công ty jirah, công ty lữ hành, jeng ey dom urang ngak mbang blei salih praong yau ye Vietnam Airlines, Saigontourist, Vietjet... Ini lac sa di dalam dom urang ngak mbang blei salih blaoh Pahasa Hiệp daok caik hatai khan yaih parambak jirah Đồng Tháp”.

  Thun ini, Ban Pasang iek danak dak buh prein tame padang bruk ngak jalan pakat tỉnh Dong Thap hu brei jao phun jien praong labaih 3.386 ty dong. Tal ini, Jabat ban kuan lik lang yah hu blaoh labaih 52% tui danak dak jeng ye daok pataom prein chul khang bruk ngak jeng ye mek hu salah gah taong baih 100% tal abih thun ini. Ong Nguyễn Hoàng Khuyên, Akaok Ban Pasang iek danak dak buh prein tame padang bruk ngak jalan pakat tinh Dong Thap brei thau lac:

 “Anak mata, Ban Pasang iek danak dak buh prein tame padang bruk ngak jalan pakat tinh Dong Thap khin caong UB Bhap bini tinh brei jao jien phun jeng hu UB Bhap bini tinh taduon brei. Jien phun hu brei jao tal dom bruk ngak praong jeng ye danak dak sit takik di nyu piah ngak yau habar lang yah hu phun jien siam lagaih abih di nyu meng ini mbiah tal abih thun. Tui di dom labik daok ngak, Ban jeng paguon janji, padang danak dak, masa ngak jaik taphia saong bruk ngak piah ngak njauk tui harak pambuak bruk. Daok dom danak dak jalan peih samar njauk brei hu halau phun patau piah duh brei ka bruk ngak”.

Gam tui abih hatai caong khin, bruk gam ngak di bhap bini rahra urang ngak mbang blei salih jeng ye hatai pan tangin gam pambak di bhap bini rahra saong gauk, tinh Dong Thap daok pataom prein peih paha dom halau phun prein yawa, peih ralo jang khang jang brei ka bruk ngak mbang patagok, yam tal akaok mbram patagok drah samar dan saong karo kajap, dak tuk dak yam mek hu bruk patagok 2 angka so di thun 2030.