Hu labaih 50ha taneh pala phun durian, ong Phan Văn Thà – urang ngak nong pala kayau, pablei salih naih joi di xa Tân Biên, khang hatai pandar ilamo khoa hoc - ky thuat, ngak tabiak ndap nda tui jalan mblang hamu padai praong. Tui ong Thà, urang ngak nong brei ngak tabiak dom kaya brei ka darak pasar caong khin salih ka bruk tok ngak tabiak dom hagait drei hu. Tuk pamaong tal darak pasar praong saong va drei tame, bruk ngak hu brei nao pagam haong asar siam. Ong Phan Văn Thà daok pala 50ha pala phun durian tui tanut VietGAP.

 Meng di dom caong khin di darak pasar, danak dak Urang ngak nong kacah gauk ngak, pablei salih naih joi dak harei dak daong jhul tagok jalan sahaneng ngak bahrau. Rilo baoh sang ba drei peih praong bruk ngak, pandar ilamo - ky thuat, buh jien tame ka ilamo ngak kong saong dak harei dak peih bruk ngak tabiak tani tanat jang. Dom bruk siam lagaih oh tok lac pambak bruk ngak bahrau dalam bhap bini.

Ong Võ Văn Tịnh, Akaok Kapul Urang ngak nong daok di xa Tân Biên brei thau: Meng hatai caong lagaih di urang dalam kapul, Kapul pataom tame padang dom chi hoi, kapul bruk ngak; jhul tagok bruk pandar ilamo khoa hoc - ky thuat dalam bruk ngak mbang, gam haong nan pathau khan, peih praong dom bruk naih gheih, bruk ngak hadah krah piah daong urang ngak nong patagok bruk ngak mbang.

Jalan sahaneng ka bruk ngak tabiak tui jalan ngak tabiak ndap nda kaya ndap nda daok dak harei dak hu ngak tantu cambaih laih meng bruk ba ilamo khoa hoc, jamraik ngak kong tame mblang hamu. Di rilo bhum ngak tabiak kaya karei, urang ngak nong hu pandar majam pruh ia ta-eng, ahaok oh hu urang peih par piah pruh jru pacang caga khik phun kayau, cảm biển mblang hamu, gam haong nan pandar nhật ký ndien tu, brei thau halau agha saong dom nen tang pablei salih online piah duh bruk ngak tabiak kaya, pablei kaya ngak nong.

Tui Ong Nguyễn Thanh Hiếu – Phaok Akaok Bruk Urang ngak nong, UBMT Negar Viet Nam tinh: Bruk pandar ilamo ngak kong daok hu pandar di rilo gah dalam luac jalan pala. Urang ngak nong oh tok pandar ilamo ngak kong piah patakik jien buh tabiak, paglaong siam lagaih blaoh daok dak harei dak pandar dom bruk bahrau dalam bruk yaih khan, pablei kaya kan. Kapul Urang ngak nong tinh peih ngak labaih 10.000 tai khoan ung dung “Urang ngak nong Viet Nam”, daong urang dalam kapul dalam bruk ngak tabiak, raidiuk saong salih taka so.

Meng phun jien mesraiy di Gilang Pariak Sarak rahra, amuk Trần thị Phương Nhi hu kein lagaih dalam bruk ngak mbang patagok kinh te. Langiu di dom kein lagaih nan, phun jien mesraiy jeng daong hu ka rahra bhap bini bhum taneh daok di tapen negar hu jien buh tame, peih praong bruk ngak mbang, brei bruk ngak saong parilo hu jien mek tame. Meng duah thau saong ngak iek dahlau bruk raong pabe meng thun 2018 hu labaih 20 drei, hadei tuk pandar phun jien mesraiy brei bruk ngak di Gilang pariak Sarak rahra, amuk Trần Thị Phương Nhi (daok di xa Tân Biên) hu kein lagaih piah parilo tapol pabe. Urak ini amuk raong 2.000 drei pabe tui jalan mek ralo, taong abih jien mek hu labaih 5 ti dong, daong pasiam paglaong hu bruk ngak mbang dalam sang.

Gah ngak nong bhum tanpen negar daok dak harei dak pandar siam kein lagaih taneh riya, bhum ngak tabiak saong labik pambuak pablei salih. Tuk pambuak ngak bruk, pandar ilamo ngak kong saong khau tin darak pasar patui veik hu paglaong, kaya nong bhum tapen negar brei hu kein lagaih paglaong yaom kaom, peih praong akaok tabiak, tapa nan brei bruk ngak tani tanat saong daong jhul tagok kinh te – xa hoi bhum palei./.