Hadei 90 harei peih ngak, Danak dak pahadar liet si “Bau dom angan patuk negar - 2026” taduan labaih 11 ti dong, glong jang 3,6 mbang dut saong camereip, sumu jaik 70.000 mbang. Jien pahdar dhar phol brei pasiam sang danaok, pajeng atau talang liet si, lain kaya ka dom Amaik Viet Nam Anh hung, gauk gar baoh sang urang liet si, daong iek AND. Trung tuong Hoàng Khánh Hưng, Akok Kapol Daong baoh sang liet si Viet Nam khan lac: Taong abih jien khik iek brei cambaic laic, blei njauk kaya, bayar njauk manuac.

2/ Kapol urang ngak bruk di Quan khu 9 mai rivang, jak ba dom gah hu mbaok tame danak dak ngak brei abih baoh sang oh daok taik tahak ka anek jeng di urang ngak bruk kat mang njom jru hoa hoc di xã Hồ Đắc Kiện saong xã Phụng Hiệp, ban Cần Thơ. Cần Thơ daok peih ngak 125 baoh sang daong ka anek jeng di urang ngak bruk daong taneh ia njom jru hoa hoc. Kuhria abih tih jien peih ngak 9,5 ti dong. Yaok baoh sang padang ngak, ramik pasiam veik yau  brei mboh bruk klak rabha dom kan kandah, thau dhar phol baoh sang gauk gar urang var klak rup drei daong ka taneh ia.

3/ TPHCM kuhria hu jaik 140.000 ti dong vaktu 2026 -2030 peih ngak 87 danak dak, pamong tal bruk langyah hu 50 dalam taong abih tih 159 labik ia dauk. Tui So Padang ngak TPHCM, ban raya gaok kan kandah dak harei dak ralo, ia ndik, ia tathik ndik saong glut jaleih taneh. Dalam tuk nan, dom bruk quy hoach dahlau di ini oh daok lagaih; jalan kraong ribaong, tathuak ia saong balai njuk pruh ia  oh sumu gauk, ngak kan kandah piah khik iek saong brei hu labik tathuak ia.

4/ Dom xa, phuong  di tinh Ca Mau tabiak ngak bruk tabung glong 45 harei pasmar dut iek prein yawa saong iek ruak ka bhap bini. Bruk ngak mbang ini, langiu pataom tame paglong bruk iek ruak ka ralo bhap bini daok samar hu thau dahlau ka ruak, ba tame du lieu saong khik iek prein yawa  hadei ruak. Mbang tabung glong kham merat tal harei 30/10 salah taong abih bhap bini hu iek ruak.

5/ Bhum Dong Thap Muoi tinh Tay Ninh daok hu labaih 51.000 hecta padai He thu saong Thu Dong oh ka yuak. Bruk ngak padai daok tui ribuk ia sua saong hajan praong. Dom taneh ngak padai di Tân Thạnh, Thạnh Hóa, Thạnh Phước ia dauk dalam. Anak bruk nan, gah ngak nong Tay Ninh caong khin dom bhum palei pasang iek dom labik ngak tabiak mbuan ia dauk, abih di nyu ar pacang ar labik dhaong, mbuan glut jaleih, oh ka pacang sir mbuan ia sre dauk.

Chuyển sang phần tin thế giới: 

6/ Campuchia ndem meyai anak Uy ban Langyah ba siam UNCLOS ka bruk caing khin mbaoh harak parabha jalan tathik saong taong abih gah haong Thái Lan piah hu sron mbuan salamat, ba kein lagaih  ka bhap bini dua taneh ia saong rik daong khik brei salamat, pambuak bruk saong kaya meda di bhum palei. Njauk ndem tal, lambaok Campuchia ndem meyai lac bruk ini piah plaik kan kandah, bo palih ruah sron mbon anak tal lagaih haong hukum dunya, jia hatai.

7/ Yaom tagok glong daok ba tal rilo urang ranaih umo di Han Quoc kuhria patak pataom birau, meng bruk blei kaya pandar di cua hang 1.000 won tal bruk klak rabha var mbang huak. Di Dai hoc Gachon, rilo saih bac dang tui talei anak sa cua hang biak karei. Buh tabiak 1.000 won, labaih 16.000 đồng anek saih meda blei hu 4 janih yau mi, brah atau jru tapai mbaok. Jien mek tame yaok tui akaok menuac di Hàn Quốc daok jaik tal 40.000 USD sa thun, min hu rilo uranaih, kuhria jien cai pandar yaok harei lac bruk njauk caik hatai kuhria.

8/ Gah Y te Dunya khan lac Chile lac taneh ia akaok meti di Nam Mỹ oh daok ruak meruai kayua athau kaik. Chile oh hu urang metai di thun 1972, meng hu bruk peih ngak Danak daka pakat negar ka bruk Pacang, caga ruak meruai. Dalam nan, dom jalan klauk jru vaccine  oh abih jien peih praog ka athau meyao, caga ruak, tui nan khik brei bhap bini hu  klauk jru caga tuk athau meyao kaik./.