Danak dak di labik tinh Ba Ria – Vung Tau (klak) tukvak 2021 – 2030 saong meta maong tal thun 2050 hu ngak tantu, hu sa jalan ngak tani tanat di labik ini lac dom danak dak patagok khik kajap kein lagaih di gah kinh te hacih hijao, tathuak pabiar carbon, kinh te payeng.

Di Con Dao, piah ngak hu jalan ngak yau nan, bhum palei hu khang hatai peih ngak danak dak “Roh duah saong pandar jalan kinh te payeng”. Cambaih laih lac, Pulau Con Dao hu ngak saong daok brei caik ngak dahlau bruk pandar prein khang ia harei saong dom halau prein khang nang luong pasiam karei piah patakik bruk ngak kan kandah tal alam langik, pamaong tal sa Con Dao prein nang luong hacih sa-at. Langiu di nan salih rah rah dom radaih nduac meng manyek xang, menyek meng dom radaih dalam rahra pandar nang luong. Gam haong di nan ngak tal bruk klak patruh bruk pandar dom ndap nda pandar sa mbang. Dalam bruk pacang khik he sinh thai glai – tasik, Con Dao pataom tame bruk patagok bruk pacang khik dom labik glai tu nhien, he sinh thai tasik, rilo gah sinh hoc.

Tui ong Lê Anh Tú, Bi thu Ndang uy dac khu Pulau Con Dao, gam haong bruk pamaong tal patagok karo kajap. Con Dao brei jeng angan ka bruk patagok bruk khik ramik saong salih bahrau:

“Meda ndom mayai lac, Con Dao hu uak drei tagok khang kajap, jeng sa angan ka bruk patagok di bruk khik ramik saong salih bahrau. Ngan haong bruk pamaong tal patagok karo kajap, Con Dao sangka iek praong bruk pacang khik drap ar, alam langik tasik. Danak dak “Roh duah saong pandar lagaih, piah patakik hareik harom, patakik bruk tathuak nerak jeng yau khik ramik rilo gah sinh hoc saong thaik thaot langik tasik.” 

Urak ini labik Ba Ria – Vung Tau (klak) daok hu 13 labik ngak kong. Dom labik ngak kong daok hu rilo jalan langyah hacih hijao, dalam nan hu labik ngak kong Phú Mỹ 3, Phú Mỹ 2 daok hu bruk daong di jabat pambuak bruk pakat dunya Japon (Jica) daong jien saong daong pasalih hijao hacih.

Tui ong Võ Thanh Phong, Phaok Mban pasang iek dom labik ngak kong, labik ngak ndap nda Ban raya Ho Chi Minh, dom labik ngak kong hu dom bruk salih drei piah pamaong tal net zero. Min tapi, dom gah ngak mbang pablei salih jeng oh ka samu gauk, daok kurang dom tanut ba tabiak dalam adat hukum. Kayua nan, dalam tukvak anak tal, Mban pasang iek dom labik ngak kong – labik ngak ndap nda Ban raya Ho Chi Minh brei daong haong dom gah ngak mbang pablei salih piah ngak njauk haong pagun Sanya janji:

“Khol dahlak hulin daong haong dom gah ngak mbang pablei salih piah daong gauk salih hacih hijao, ngak habar dom labik ngak kong jeng labik ngak kong sinh thai, dom gah ngak mbang pablei salih daong gauk salih hacih hijao, pambuak gauk, kinh te payeng. Bruk ini brei ngak tui jeng yau daong tame jalan ngak bo rajaei hu ba tabiak dalam bruk pamaong tal net zero carbon di thun 2050”

Tui PGS-TS Phùng Chí Sỹ, Phaok Akaok Kapul pacang khik alam langik tasik Viet Nam, yaok gah ngak mbang halei di bhum Ba Ria – Vung Tau (klak) jeng meda hu pandar dom bruk kinh te payeng tuan hoan. Cambaih laih lac yau dom gh ximang, pasei thep, hoa chat…lac dom ngak ngak bruk hu kein lagaih biak praong ka bruk patakik tathuak nerak trun daok di 0 mbiah tal thun 2050:

“Dom gah ngak mbang pablei salih meda hu pandar dom jalan langyah yau patak pataom prein khang nang luong saong ngak tabiak hacih jang. Lac hu langyah dom asal kadha meng pandap tamo blei tame, kali kalih gom ndien, kali kalih akaok blei tame, ia, salih ilamo ngak kong …”

Bhum Ba Ria – Vung Tau (klak) daok gam haong Ban raya Ho Chi Minh yam tame bruk ngak bahrau, jaman bahrau. Gam tui dom bruk ngak hu kuhria, labik ini patui brei mboh saong kham merat tui jalan patagok hacih hijao, karo kajap saong ba drei tame dalam dunya. Gam haong taneh ia daong tame padang jalan patakik tathuak nerak trun daok zero di thun 2050 bo rajaei hu sanya di Nyaom biai ka bruk langik salih karei di Lien hop quoc mbang ka 26 (COP26).