Tui sa-ai Lê Thu Thủy (daok di phuong An Phu Ndong), bruk duah thau ka dak rai sajarah, praong abih di nyu hu lac brei ka Chu tich Ho Chi Minh, tuk halei jeng ieu lac sa binah prong dalam yaok mbang harei roya di bangsa. Tui sa-ai, dom thaik binguk, ndap nda hu peih ngak gilac dalam muyim hu daong ka urang mong iek thau cambaih laih jang ka jalan mesruh metak kan kandah rambah glaih glar di bangsa, jeng yau bruk ngak praong glaong di Chu tich Ho Chi Minh. Tui sa-ai Thủy, muyim online nyu ba mai mbuan laghaih, abih di nyu lac ngan haong dom urang jal van yau dam dara ranaih. Oh lac sa janih padeih di bruk mong iek, ilamu daok peih tabiak bruk brei mong iek siam gheih jang, daong ka urang mong iek “taom gaok” jaik jang haong dak rai sajarah.

“Dahlak saneng lac thaik binguk 3D biak biai meda ngak ka drei yau yam tame dalam langik tasik taneh riya biak di nyu. Tuk taih tame thaik binguk, ye kaya pandap nan hu tamuh tabiak talei akhar, langyah brei thau cambaih laih dom dalikan dak rai jarah. Meda hu rilo duk, yaok duk khan brei thau ka yaok mbang inem mesruh metak, daong ka urang mong iek mboh chreih chai jang. Meyah hu, njauk hu jang urang langyah AI, yaih khan, daa ayut gauk mong iek.”

 Di phuong Gia Ndinh, bruk ngak muyim online ndom ka Chu tich Ho Chi Minh hu padang ngak saong ba tame pandar meng bilan 8/2025.

Asal kadha hu ba ngak tui jalan patrun akhar huroh, patagok thaik binguk, laghaih haong kadha bhian randap taduan mek di urang pandar jaman ini. Langiu di nan, urang mong iek meda ndom biai nao mai piah pang gilac dom baoh panuac meng kan biak hu yaom, dalam nan hu kadha vah gilac Chu tich Ho Chi Minh puac harak Tuyen ngon ndoc lap, ngak brei ka bruk mong iek hu siam gheih jang saong patagok bruk chreih chrai ka muyim.

Langiu di bruk parang iek, bruk ngak ini daok iek prong tal bruk ndom biai nao mai – hu mong yau ye sa mbaik “gai peih” piah pachreih dam dara ranaih jaman ini. Gam haong di nan lac dom bruk ngak yau pakacah online, kadha me-in duah thaik binguk, daong ka urang hu mbaok tame gam duah thau ka mu-yim, gam kanar hadar ilamu ndom ka Wa. Sa-ai Kiều Đặng Hoàng Anh – urang jakar Uy mban MT Negar Viet Nam phuong brei thau.

“Tuk duah hu 5 thaik binguk ye khaol drei meda mek hu pandap meyaom saong jeng lac hu rivang iek abih mu-yim paje. Khaol drei meda mboh chreih chai kayua lac caong khin duah hu thaik binguk nan ye njauk tui iek ka abih yaok blah thaik binguk, mong iek taong abih gah. Dalam tuk nao duah thaik binguk ye khaol drei jeng meda mong iek hu thaik binguk di Wa Ho.”

Tui amuk Trần Thị Thu Trang, Akaok Uy mban MT Negar Viet Nam phuong Gia Định, bruk pambuak labik ilamo Ho Chi Minh di jabat saong mu-yim online daok ba mai baoh jeng siam mekre dalam bruk dakvah pathau khan. Bhap bani meda mong iek hu di sang, di jabat. Taphia di nan, dom bruk ngak yau “Labik Ho Chi Minh – Tapuk trun jalan”, radaih pajeng nao mai ba mu-yim nao tal labik daok di bhap bani jeng daok hu peih ngak, ngak brei ba thaik binguk Wa mai jaik jang haong bhap bani.  

“Tui kuhria yaok bilan nao sa mbang, daa dom labik daok gam haong bhap bani hu mbaok tame mong iek, roh duah, bac megru saong duah thau. Radaih pajeng nao mai jeng biak trak, jaik labaih 100 kg, caong khin hu sruh radaih ta-eng pandar piah pajeng ba nao tal labik. Piah peih ngak bruk ngak caong khin hu bruk mek tangin tame ngak saong gauk di Mat tran saong dom kapul nyaom karei karei. Dalam nan, dom cei dom wa di labik daok hu labik dang biak prong, daa bhap bani tabiak hu mbaok gam mong iek saong duah thau.”

Meda hu mboh, meng sa jalan ngak hadah krah di gah ala, muyim online ka Chu tich Ho Chi Minh daok ba mai baoh jeng siam mekre hu mboh di anak meta dalam bruk salih bahrau dalam bruk pathau khan, pato pakai ilamu meng kan. Dom bruk ngak yau ini oh lac sa janih ngak brei pambak praong thaik binguk di Wa Ho biak siam gheih, bo daok palaghaih puah ka yaok urang bol, abih di nyu lac rai rah dam dara, taom gaok hu dak rai sajarah tui jalan jaik taphia, samar drah jang./.