Xa Tam Nông, tinh Dong Thap, daok peih dua bruk ngak padai tui jalan bahrau: Sa di dalam nan hu lac ngak tabiak padai hu asal glaong tui Nde an trieu ha (patrun biar kadha oh siam) saong yang ka dua nan lac bruk ngak "padei seu" (ngak padai sinh thai pambuak pagam haong pacang khik seu akaok bhong). Kadha dreh gauk di dua bruk ngak ini nan lac: jien buh tame ngak biar, dalam tuk nan yaom asal brah gilac patagok. Bhap bani khik hu jien mek tame, pren yava hu siam jang kayua lac takik taom gaok dom janih jru pandar dalam bruk ngak nong, daok taneh riya jeng hu pasiam veik hadei di rilo thun pala drak. Ong Nguyễn Văn Mít, urang daok di xa Tam Nông, tinh Dong Thap sa dalam dom urang nong hu mbaok tame dalam bruk ngak "padai seu" khan brei thau.

“Meng harei hu mbaok tame bruk ngak padai – seu ini ye hu brei patrun padai pajaih, blaoh khak, blaoh dom janih karei karei tra… Thun ini, yaom padai pablei tabiak bien jang, mbang ndong - xuan thun blaoh ye pablei hu 6.200 ndong 1kg, thun ini pablei hu 6.000 ndong, min pabak gilac padai brah mek tame hu rilo jang”.

 Langiu di nan piah ngak brei jalan cak rok patagok ka bruk ngak nong, nan lac ngak tabiak dalam brei ka bruk ngak nyu sit. Ong Lê Thanh Nhân, Akaok Kongti TNHH MTV Năm Đấu klah rabha, kong ty hu pambuak bruk blei tame ngan haong dom baoh sang ngak tabiak padei huyet rong dalam labik, ngan haong mblang taneh nan lac 30ha. Piah blei tame taong abih yaom padai brah hu pambuak bruk, kong ty daok patui veik pambuak bruk haong rilo kong ty karei, tui jalan ngak ndap nda ngak tabiak.

 “Urak ini, kong ty drei hu dom janih pandap bahrau, yau ye asar brah let ye pak ini kong ty tok ngak brah let min, daok tapa labik karei ye ngak tabiak langeim brah lut, blaoh gah nan ep gilac ka drei. Ka dua nan lac kong ty di Thu Đuc nyu kakei dahlau tapung di drei. Drei patagok kong suat jamriak ngak tapung tagok, hadei di tuk ngak tabiak ndap nda drei pajeng ba tapung nao ka gah nan. Meng tapung brah ini, blaoh gah nan ngak tabiak mbanh mi. Meng nan drei hu jang ndap nda bahrau nan lac ahar mi brah huyet rong".

Bruk ba tabiak jalan cak rok patagok 2 baoh taka dalam bruk ngak nong di Dong Thap nan lac sa cuang kandah prong, caong khin panduan salih jalan saneng "ngak tabiak kaya nong tapa "kinh te ngak nong". Yaom lac gang jameng kinh te, gah ngak nong tinh daok pandang mbaok haong rilo tavak tave dalam saong langiu, abih di nyu lac dalam vaktu 2026, pamong tal cak rok patagok khang kajap saong hijao.

Kuhia tal abih thun 2025, taong abih mblang taneh piah ngak Danak dak 1 trieu ha dalam tinh Dong Thap nan labaih 75.000 ha; ngan haong 21 bruk ngak padai asal glaong, patrun biar kadha oh siam pambuak pagam haong cak rok patagok hijao. Dom baoh jeng siam mekre nan brei mboh, bruk ngak padai sinh thai, padai huu co, tui gauk pambuak haong bruk pacang khik seu akaok bhong,…. Bruk panduan salih ini oh lac tok daong ka urang ngak nong patrun jien buh tame ngak, patagok jien laba, bo daok ngak brei ka alam moi truong hu siam mekre, khang kajap ka seu akaok bhong gilac veik, meng nan pachreih karja puk palei kham merat pambak prong bruk pala drak huu co angaok mblang taneh prong, pamong tal sa bruk ngak nong khang kajap.

Tui ong Lê Hà Luân, Akaok So Ngak nong saong Alam langik Dong Thap, jabat caong khin, mai meng dom jalan ngak cambaih laih piah ba tabiak, pok tagok likau Raja-ei jao gilac binah blang taneh halei nan piah puk palei patui veik panduan salih.

“Saong bruk ngak di khaol drei njauk peih ngak binah panduan salih ini ka nyu hu baoh jeng siam mekre. Piah ka Trung uong mboh lac, khaol drei panduan salih ini ba mai kein laba hu mboh di anak meta saong grap tanat an ninh ndap nda negar. Piah jia tame jao ka khaol drei panduan salih. Saong yau nan, bruk panduan salih ini meng ba mai mblang taneh cak rok patagok praong”.