Gam saong bimon kalan Cam yau ye daok tamo, gam saong ralo rija raya pesta dan saong palei Cam menyim Caklaing palei ngak gaok glah Hamu Craok, mayah thau rami ramik siam gheih jirah Ninh Thuan hu tagok njauk jalan ndam gam saong ilamo raidiuk bangsa Cam di ini. Sa-ai Châu Nữ Nha Trang, urang Cam di palei CamCuah Patih, xa Phước Hải, huyen Ninh Phước pok panuac lac

“Adei mboh njauk patagok jirah palei, di palei adei hu ralo drap ilamu daong jammaah drei daong ka urang jirah thau tal ilamo di drei. Rup dei jeng khin ka urang jirah di dunya thau ilamo di palei drei.”

Rup jirah sinh thái mblang hamu caraih di ban palei Caklaing, ban sit Phước Dân, huyen Ninh Phước ieu lac labik gheih ghang jirah daong patambak ilamo bangsa Cam. Ini jeng ieu lac sa labik pachreih urang jirah ilamo. Tuk jirah bhap bini di palei tagok, urang ma-in ilamu yau ye ong Dương Tấn Tự jeng duah hu jien mai meng ma-in daoh take pachreih bui ka urang jirah mai.

“Tuk jirah tagok, urang ma-in yaih ilamo di Caklaing jeng biak bui sambai kayua labik jirah sinh thai hu dom urang nghe nhan duah jien hu, daong padang ilamo Cam di palei dak harei dak tagok.”

Urak ini, langiu dom Homestay di Caklaing, daok dom palei Cam karei di dalam huyen Ninh Phước jeng padang labik jirah jammaah bhap bini yau ye palei Hamutaran, Hamu Craok dan saong Catuh Putih.

      Tui Tiến sỹ Nguyễn Văn Hoàng, Sang bac Dai hoc Cong nghe Ban Raya Ho Chi Minh, bruk mek ilamo bangsa Cam piah patagok jirah mada ieu lac sa jalan paglaong jien mek tame dan saong patagok rahra mikva bhum palei. Hu yau nan mbang ngui mikva mada hu karo piah patagok jirah daok hu bruk bac magru brei patagok jirah palei ka urang ngak thau bruk, tahu ilamo, thau patagok jirah jammaah bhap bini.

“Patagok jirah jammaah bhap bini daong mikva dang ngak jirah jammaah bhap bini jeng ye patagok jien mek tame, paglaong hu raidiuk ka mikva bhap bini. Dahlak jie lac ini jeng ieu lac sa jalan siam brei patagok raidiuk ka bangsa takik jeng ye ka mikva bangsa Cam harei meng anak”

 Patagok jirah jammaah bhap bini di bhum mikva urang bangsa Cam Ninh Thuan daong ka paralo bruk ngak jeng ye hu jien mek tame ka bhap bini rahra. Langiu di nan jeng hu daong patagok yaom ngak jirah jammaah bhap bini di bhum mikva urang bangsa Cam di Cam Ninh Thuan./.