Ong Trần Tiến Nam, urang daok di phuong Đức Nhuận (quan Phú Nhuận klak) tal Pasak duh bruk ngak harak gal jabat karja di phuong piah kuria ka bruk ngak harak gal jabat piah brei mboh tra. Tuk tal labik, ong hu urang Jarka daong ba tacei mek harak dalau hadei, tabiak dang njauk labik piah dut iek harak gal. Bruk ngak rah tabiak drah samar, lagaih lagua oh daok cang suai. Ong Nam mboh bak hatai tui cara duh bruk harak gal biak njauk hatai jaik taphia, dalam nan mboh ieik praong brei ka urang taha yau ong:

"Hu bruk harung pataom, pabarau bruk ngak harak gal jabat, rahra bhap bini mboh lagaih sanang. Urang jakar di ini jeng mboh bui sambai, harak gal hagait njauk ngak jeng brei daong ganap sampurna."

Ieu lac sa labik ralo urang ngak kông, phuong Linh Xuân (daok di ban Thủ Đức klak dahlau) peih tabiak ralo bruk ngak njauk tapak piah daong bhap bini lang yah harak gal jabat karja. Nyu hu lac sa bruk ngak harak gal jabat langiu tukvak jabat karja, bruk ngak daong lang yah harak gal jabat nao tal labik brei ka urang kan di khu pho jeng ye tal sang danaok di nyu. Ong Lê Văn Mây – Akaok khu pho 14 taong yaom glaong bruk jaik taphia, bruk nao tal labik rahra di jabat karja:

"Brei hu paglaong bruk ngak ini, rabha tukvak tabiak piah ngak, rilo meng lac dom urang nao ngak di jabat, xi nghiep, oh meda nao bhian harei. Duh ka rahra tal labik, tacei ba tani tanat, lagaih ka rahra rilo gah."

Piah paglaong bruk pabarau bruk ngak harak gal jabat karja, pandar salih lektaka so, ong Phạm Bảo Toàn – Phaok Akaok UB bhap bini phuong Đức Nhuận brei thau lac, karja palei tuk halei jeng caik hatai tal bruk padang bruk ngak taka so du lieu baoh kadha. 

Urak ini, phuong ngak blaoh sampurna baoh kadha du lieu taka so sang danaok kayua ini nyu lac tali kakai bruk kadha. Meng di nan, karja mada njauk brei pabak dom baoh kadha pambuak saong nyu yau ye baoh sang dalam danak dak sarak karja, sang kan, sang kathaot jeng ye bruk brei adat padang sang.

Hadei di paganap harak gal harei harei, phuong jeng pambuak pagam bruk saong dom labik jabat padang ngak pandar piah palagaih dalam bruk dut iek du lieu baoh kadha, jeng ye iek dahlau saong padang bruk brei thau kinh te - rahra:

"Phuong jeng taduon mek hu dom bruk caik hatai, bruk buh prein tame di Ban raya HCM yeu ye brei jamariak po asal. Tuk pabarau bruk ngak harak gal jabat karja blaoh brei yah klak abih, piah padang khik hu dom baoh kadha ini piah duh bruk kadha hadei di nan".

Dang anak yam tal bruk tui akaok mbram ba dom baoh kadha tanut pabahrau bruk ngak harak gal jabat karja tame top 5 dalam nagar, ong Nguyễn Mạnh Cường – Phaok Akaok UB Bhap bini Ban raya HCM caong khin dom pakat karja pan tantu cambaic bruk ngak, paglaong bruk ngak di drei jeng ye pakhang bruk brei pasalih glo akaok saneng meng "pan bruk" tapa "duh bruk":

"Urang pan akaok di dom so dom gah, akaok xa, phuong, kaoh pulao njauk caik hatai lang yah dom cara peih bruk jeng ye ngak siam bruk ngak di mai meng anak. Patui chul khang bruk pasalih lek taka so harak gal, harak gal, brei daok pandar dom baoh kadha du lieu jeng ye pambuak liên thong baoh kadha du lieu. Caik hatai paglaong jitvu karja tapak online taong abih".

 Bhap bini rahra njauk hatai, karja kham marat pasalih glao akaok iek glang pan bruk, nyu yau tali khang kajap piah Ban raya HCM daok pabahrau bruk ngak harak gal jabat karja. Ini jeng ieu lac sa jalan duh ka jalan tui akaok mbram patagok 2 anek taka so, padang rup binguk karaj Ban raya HCM jaik taphia, bih hatai dan saong jaman bahrau.