Bruk njauk caik hatai dahlau di abih di jalan padang palei ngak nong bahrau di tinh Dong Nai asar di nyu ieu lac tui akaok mbram patagok duo gauk sron mbon, karo kajap meng kaya ngui mboh di mata jeng ye kaya ngui oh mboh di mata. Langiu di bruk gam buh prein gah ha tang dan saong kinh te, dom bhum palei daok pataom prein padang dom bhap bini jammaah jum pataom, ilamu di labik dom ilamu bhum bhaok hu brei pok praong pok glaong yau ye drap ar oh brei yaom hu.

Gam saong dom bruk ngak padang palei ngak nong bahrau, dom jalan ngak brei iek, dom labik jammaah padang brei ngak iek oh padeih peih praong, padang jeng bhum palei kaya mada, hijau – hacih sa-at – gheih ghang siam makre.

Gam gam saong sang danaok jalan mbak ha tang, dom palei daok gam ngak dak padang baoh sang ilamu "5 oh ": Oh iek kathaot, oh duac hukum nagar, oh baoh sang taong paoh, oh hu uranaih kurang prein dan saong klak bac.

Dalam nan njauk ndom mayai lac, jiwa bhum palei jang daok khik tamo tani tanat dom ilamu di danaok, sang baha, kalan. Yaok mbang raya Tet tal bilan akaok thun, bhum bhaok chreih chrai sambai adaoh tamia lân - sư - rồng, ma-in ilamu bhap bini rahra bangsa oh lac hu sa janih brei ka ralo dam dara tame ma-in blaoh pachreih urang pambuak hu ilamu mukkei.

Dong Nai urak ini hu 72 xa daok padang palei ngak nong bahrau tui pakat glaong brei iek. Bruk pagam blaoh brei peih tabiak dom prein khang, siam lagaih praong meng ngak kong, mayit mayao logistics tal jirah sinh thai.

Pagap ye xa Nha Bích bahrau daok pan "anek kiar ameh" brei ka gilang taneh riya praong, mblang tameh tapak tape jeng ye he sinh thai ralo janih meng kraong Bé tal danao Phước Hòa. Ini lac labik piah Nha Bích padang dom bhum ban asar pasak, mblang golf, jitvu padeih padei pakat glaong gam saong iek glang prein yava.

Njauk ndom mayai dalam nan lac, gam saong bruk pambuak di dom jalan raya Gia Nghĩa - Chơn Thành dan saong Chơn Thành – Ban raya Ho Chi Minh peih tabiak, bhum palei ini janji mada jeng labik ngak bahrau dalam bruk patagok kinh te - xa hoi di bhum palei.

Bruk pasalih bahrau jeng hu pambak khang tapa dom xa karei. Di xa Đồng Phú, karja pataom prein tame patapak panjauk bruk padang danak dak patagok bruk ngak dalam bhum palei, dalam abih dalam nan hu bruk ngak padang jalan mbak saong ha tang lek angak piah daong bhap bini rahra, urang ngak mbang blei salih dahlau di abih di nyu. Daok di Xuân Lộc dan saong Định Quán, akaok bram nao tal ieu lac ngak nong brei patabiak ndak nda kaya praong ralo, pandar ialmu ngak kong pakat glaong dan saong ngak nong huu co. Ngak yau habar brei ka jien mek hu tui akaok manuac labaih 130 trieu dong dalam thun 2030 brei mboh lac hatai kham marat brei ka bruk paglaong rai diuk bhap bini rahrah tuk ngak tui kara dua pakat.

Iek gilac dom jalan blaoh tapa, Dong Nai chreih hatai khik kajap angan dang akaok nagar dalam bruk padang palei ngak nong bahrau. Kuhria mbiah tal bilan 6/2025, taong abih dalam tinh hu blaoh 114/116 xa mek hu tanut angan palei ngak nong bahrau pakat glaong gam saong 43 xa meng hu angan palei ngak nong bahrau brei iek, tagok atah ralo dut tui akaok mbram dak tabiak. Danak dak OCOP jeng ngak hu daom baoh kadha hu angan gam saong jaik 300 kaya kan ndap nda brei angan, jeng padak brei ka kinh te palei ngak nong patagok hijau dan saong karo kajap.

Jalan padang palei ngak nong bahrau Dong Nai brei thau sa yam tapa hala ba-ar bahrau. Daok di nan, dom labik hu ngak po padang bruk lagaih tui bhum palei di drei, tui bruk ngak palei, ngak nong tuk jamraik ngak kong bahrau bijak jak. Jang mada hu ralo salih barau asar kadha atau angan ieu, min tanut yam tal jeng ieu lac padang dom bhum palei brei ka bhap bini rahra hu raidiuk gheih ghang siam makre tui hatai khin caong barau jeng ye hu raidiuk ilamu bahrau bak mbak dom ilamu mukkei bangsa./.