Rah tapa rilo rai rah, bruk menyim tuk halei jeng hu bhap bini bangsa Cam daok di tinh Khanh Hoa (labik tinh Ninh Thuan klak) jeng hu dom rai rah gheih tangin khik ramik saong patagok mbiah tal jaman harei ini. Gam haong ilamo jhik menyim biak gheih, majam bingula hu ngak jeng yaom kaom gheih mekre saong ilamo karei di dalam ilamo bangsa Cam.

Dom blah khan ao, khan ma-om akaok, talei tabak, kaya duh ka raidiuk, tal dom kaya pandar dalam dom adat di agama, adat cambat, pacip padhi, lakhah caga… jeng lac dom kaya hu ngak meng tangin hu, peit menyim meng tangin gheih ghang saong akaok hadah krah di urang bangsa Cam.

Amuk Lưu Thị Em, urang dalam HTX Menyim jih dalah urang bangsa Cam palei Caklaing brei thau, baoh sang amuk hu 5 adei sa-ai kamei, thei jeng thau menyim. Dahlau diah, sa kaya khan bai jih dalah di bangsa Cam bhian mboh rilo 2 sambo juk – patih. Urak ini hu menyim jeng rilo sambo jang, nan jeng mboh biak gheih jang.

"Urang taha umo atau baoh sang hu anek likei anek kamei bahrau jeng diuk jeng pasang ye pandar khan ini…”

Urak ini, urang bangsa Cam di Khanh Hoa daok khik ramik jaik 30 janih bingula bhap bini, dalam nan hu bingula baoh tram, dhan talei, bangu mai, bangu pak coh… Urang bangsa Cam bhian ba thaik thaot phun hareik, hala bangu tame khan bai menyim tui thaik ngak bahrau. Dom dhan coh bangu, dhan talei atau coh hala hu salih jeng dom jalan thaik thaot biak gheih ghang.

Amuk Lâm Thị Minh, urang daok dalam HTX Menyim jih dalah urang bangsa Cam palei Caklaing brei thau, langiu dom bingula hu ngak rilo abih, dom urang gheih tangin di HTX daok duah bingula mang kal klak piah ngak gilac, roh duah piah khik ramik ka rai hadei.

7.8 Lam Thi Minh

(Băng tiếng Chăm: “Dom urang gheih tangin di ini hu duah saong pahadiuk hu dom bingula meng kal klak…”

Piah khik ramik yaom kaom hu angan ini, HTX Menyim jih dalah urang bangsa Cam palei Caklaing hu 70 urang hu mbaok tame pambuak menyim khan bai bhap bini hu menyim taong abih meng tangin. Tanut kajap hu ginup, lam lamuac gam haong bruk gheih di yaok khan bai jeng hu brei mboh taong abih, dom kaya ngak tabiak hu yaom kaom gheih mekre glaong.

Urak ini palei Caklaing di Khanh Hoa hu labaih 400 baoh sang khik tani tanat bruk menyim papan meng tangin. Tui mikva urang bangsa Cam kaya oh sa janih lac duh ka raidiuk bhian harei blaoh daok lac “sap bahsa ilamo” brei mboh sajarah saong raidiuk di urang bangsa Cam.

Tapa sambo bar saong bingula di sap khan bai, urang meda hu mboh ka tano binai, halau janeng, agama jeng yau bruk hu angan di raidiuk ilamo di bhap bini bangsa.

Ong Phú Văn Ngòi, Yam ndok HTX Menyim jih dalah urang bangsa Cam palei Caklaing, xa Ninh Phước, tinh Khanh Hoa brei thau, di Harei Ilamo Bangsa Cam mbang ka VI bahrau ini, HTX hu da-a saong yaih khan bruk ngak bhap bini bangsa Cam di tinh Khanh Hoa. Nan jeng lac bruk mboh hadah mbaok meta di dom urang dalam HTX.

7.8 Phu Van Ngoi

(Băng tiếng Chăm: “Hu mbaok tame Harei Ilamo Cam ye khol dahlak jeng srap gap kaya ndap nda piah parang iek…”

Dang anak rilo kan kandah di jaman barau, yaok urang ngak bruk di ini jeng hu sa caong takre khik ramik saong patagok karo kajap dalam harei hadei. Kayua yau nan, langiu bruk pasiam thaik thaot piah palagaih haong hatai caong di darak pasar, bruk srap gap duah akaok tabiak ka khan bai bhap bini lac bruk biak hu makna blaoh rahra palei pala jeng biak sangka.

Bruk sa hatai di rahra, bruk sa tangin di dom pakat karja saong bruk sangka di bhap bini brei kein lagaih karo kajap piah dom sambo bingula patataih khan bai gheih ghang di palei Caklaing yam tabiak darak pasar di atah./.