Ong Hữu Kel (urang daok di puk palei Cây Khô, xa Hồ Thị Kỷ) brei thau, dahlau diah jalan mbak nao mai kan kandah, ralo di nyu di bilan hajan. Rahra mikwa nao mai meng gaiy, gilai; khin nao tal pasak xa jeng lahik biak rilo tukvak. Urak ini hu jalan betong nan bruk nao mai, bac megru saong pablei salih lagaih jang. Raidiuk meng di nan dak harei dak lagaih.

Daok Ong Danh Thoại (daok di xa Phước Long), brei thau meng bruk pandar dom ilamo jamraik mac maoc khoa hoc ky thuat, saong ba lek taka so so tame bruk ngak nong, urang ngak nong urak ini ngak tabiak kaya lagaih, ngak hu rilo saong kein laba jeng tani tanat jang. Meng tuk trun padai tal yuak kuak, abih bruk jeng ngak meng jamraik. Urang ngak nong patakik glaih glar jang dahlau. Jalan mbak nao mai lagaih sanang bruk yuak kuak jeng lagaih, yaom kaom mek tame siam jang.

 Dom bruk salih dalam raidiuk saong bruk ngak mbang di rahra lac bruk ngak hu meng luac jalan buh jien tame ka ha tang, peih ngak dom danak dak patagok kinh te – xa hoi saong sarak daong bhum mikva bangsa takik dalam rilo thun tapa.

Tui So Bangsa saong Ugama tinh Ca Mau, dalam dom bilan akaok thun 2026, bruk ngak mbang patagok kinh te – xa hoi, an ninh, quoc phong di bhum bangsa takik saong aguma tani tanat saong patagok. Tal ini, taong abih xa bhum urang bangsa takik hu jalan oto nao tal pasak xa; labaih 90% baoh sang rahra hu pandar majam talei gom ndien negar saong hu labaih 90% baoh sang rahra hu pandar ia hacih. Ini lac bruk brei mboh ka bruk sangka praong dalam di Ndang, Karja, bruk pato tacei catang di urang dang akaok tinh Ca Mau saong hatai gul pataom, uak drei tagok di mikva dom bangsa dalam bhum.

Ong Ngô Vũ Thăng, Phaok Akaok UB Bhap bini tinh Ca Mau brei thau, tukvak blaoh tapa, tinh peih ngak siam lagaih dom danak dak jalan pakat negar, dom sarak, jalan ngak patagok bhum mikva urang bangsa takik, gam haong nan pagam rilo danak dak, sarak patrun kathaot. Dom danak dak hu daong raidiuk hu patagok siam. Tinh Ca Mau tuk halei jeng maong bruk paglaong bruk di urang hu angan je dalam bruk jak ba pathau khan jhul khang patagok, salih bruk ngak mbang, pandar ilamo khoa hoc ky thuat, hu mbaok tame dom danak dak jalan ngak pakat negar, patrun kathaot saong padang palei pala bahrau.

Gam haong patagok kinh te, urang bangsa Khmer di Ca Mau daok khik ramik ilamo saong dom bruk dalam adat cambat bhap bini bangsa. Adat Sen Dolta di bangsa Khmer Meraong Negar brei rah tabiak 10 - 12/10.

Piah srap gap ka raya adat, Akaok UB Bhap bini tinh Ca Mau caong khin dom so, dom mbang, dom, gah, kapul chinh tri – xa hoi saong UB Bhap bini dom xa, phuong peih ngak dil samu, ginup dom sarak bangsa; sangka raidiuk daok dang me-in di bangsa Khmer; gam haong nan patagok pathau khan ka makna Sen Dolta saong jak ba mikva khik ramik, patagok ilamo bangsa, ngak tui jalan ngak di Ndang, sarak karja, hukum di Karja, kham merat ngak mbang saong hu mbaok tame dom danak dak pakacah gauk anit ranam taneh ia nagar.

Tui So Bangsa saong tinh Ca Mau, tukvak mai meng anak tal tinh patui ngak patruh saong ngak catang dom jalan ngak di Ndang, sarak, hukum di Karja; pataom tame pato tacei siam lagaih dom Sarak nagar di Quoc hoi, dom danak dak jalan ngak pakat negar saong dom sarak ngan haong bhum urang bangsa takik; dalam nan iek praong bruk paglaong asar siam pato megru, sangka prein yava Rahra bhap bini; patagok urang ngak bruk, khik kajap an sinh xa hoi saong paglaong raidiuk daok dang me-in di mikva dom bangsa takik./.