Sa-ai Lê Minh Hải, urang daok di xa Mỹ Tịnh An, jeng ye yaok ribau urang bhap bini, urang ngak kong tuk peih radaih nao mai tapa jalan catua Kênh Hai (xa Tân Phước 3) biak kaluk kalak mbiang mblang, huac kanda tamuh bala di jalan thuan tuk hali oh thau. Kayua lac mbaok catua mbaok jalan dak angak meng papan meng kayau jaoh druh, mbaok jalan kaluk kalak, mada hu labik huan yau chruh manuk chruh kabau yau ghe kadak urang nao mai jalan: 

“Tatua ini oh daok karo kayua nyu biak klak paje. Tuk hu hajan, mboh oh biak karo. Caong brei ka tatua ini hu ngak siam karo brei ka mikva urang nao jalan. Dom labik dak papan kayau tuk hu radaih nduac ta nyu mada kadak tagok paprah njauk manuac urang mbuan njauk bala brei ka urang”.

Daok ong Lê Văn Nghề, urang peih sà lan praong 600 tan pajeng ndap nda padang sang danaok brei ka urang ngak mbang blei salih di xa Tân Phước 3, brei thau lac:

“Ribaong di bhum palei Dong Thap Muoi trak meng 600 - 700 tan meng luai tapa hu, kapal gilai praong jang susah si tapa kayua nyu biak katian sit jeng ye nyu biar, gam saong ralo majam talei gom ndien mboh biak huac. Caong khin hu karja pakat angaok ngak pasiam brei ka tatua, bon bala biak ndua dhar phol.

Tui Gah Pasang iek danak dak dan saong padang ngak bhum 3, urak ini di labik bhum 4 daok di xa dalam bhum Dong Thap Muoi (huyen Tân Phước, tinh Tien Giang klak) hu yaok puluh baoh tatua praong sit oh ka brei pasiam. Daok dom baoh tatua daok di dalam pakat xa iek glang jeng ye brei padang pasiam atau ngak bahrau. Min, hadei di padang karja 2 pakat, bhum jien karja nagar buh brei ka pakat xa daok kurang.

Thun ini, xa Tân Phước 3 hu karja brei jien phun piah ngak bahrau hu 12 ty dong piah ngak 5 danak dak. Daok dom baoh catua trun yaom, ong Trần Văn Hiệp, Akaok UB Bhap bini xa Tân Phước 3, brei thau mada daok brei buh jien piah pasiam jeng ye pok pathau tagok pakat tinh hu danak dak caga brei padang baoh tatua barau piah duh urang nao mai patagok bruk ngak mbang kinh te - xa hoi di bhum palei.

“Hadei di padang karja palei 2 pakat, UB Bhap bini xa hu jao ka dom jabat ngak di nyu jeng ye brei pagam pambuak saong dom palei ngak jalan ngak tatua. Dalam nan, di tatua Kênh Hai mada khik brei pasiam nyu, atau buh jien ngak bahrau. Bruk brei ngak pasiam anak mata piah ka mikva nao hu. Daok ba tame danak dak piah mek jien karja, pok lakau pakat tinh caik hatai brei padang bahrau oh njauk lac ban miat oh karo”.

Tân Phước 3 urak ini ieu lac sa labik patagok kinh te - xa hoi asar di dalam bhum Dong Thap Muoi, tinh Dong Thap. Urak ini, bhum hu Labik Ngak kong Long Giang jeng ye daok padang Labik Ngak kong Tân Phước 1, Tân Phước 2. Kayua yau nan ye, dom cuang kandah brei ka bruk ngak catua, ngak jalan di ini njauk buh jien tame brei ka tani tanat, gam daong ka urang nao mai gam pakurang hu bala jalan mbak gam pachreih patagok bruk ngak mbang blei salih, daong patagok raidiuk rahra bhap bini./.