Dalam rilo thun blaoh, Dong Nai patagok khang haong rilo labik ngak kong, ban medin saong dom jalan mbak pambuak haong Ban raya HCM saong dom tinh, ban iar harei tagok bhum Dong Nam Bo. Urak ini, hu sa labik patagok bahrau daok jak jeng. Mblang kapal ahaok par Long Thành, dom jalan peih samar, jalan dawang win vanh ndai, jalan pasei saong dom jalan pambuak bhum taneh daok ngak salih mbaok meta saong bruk peih ngak labik di Banraya Dong Nai.

Min tapi sang danaok jalan mbak dak padang ha tang nao tal halei oh njauk lac ban medin saong dom bruk ngak mbang blei salih meda hu patagok buh jien tame tal nan. Bruk hu makna lac brei ngak tantu cambaih laih bruk di yaok labik dalam taong abih dak padang quy hoach.

Tui ong Nguyễn Bảo Long, urang patacei brei ka bruk dak padang quy hoach, hadei ramik pagam, Dong Nai jeng ban medin hu prein patagok di labik bhum taneh dalam negar. Kayua yau nan, bruk rabha bhum patagok tui dom gah, bruk ngak, patui tame kein lagaih saong bruk njauk kadha di nyu tui chuyen mon di yaok labik brei hu sangka.

"Akan mada hu pak mbuk mblang cụm labik blaoh ban raya Dong Nai pataom tame pahadah bahrau saong paglaong dom gah, dom bruk daok hu. Pagap yau ye salih dom cụm, labik ngak kong jeng dom labik ngak kong tui sinh thai, salih jeng labik hacih hijao; patagok kinh te pabah bambang negar, njauk ndom tal lac labik pabah bambang negar Hoa Lư jeng dom labik pablei salih tapa negar; jeng yau patagok cụm ngak nong, ngak glai, ngak kong kong nghe glaong, ngak nong ngak glai hacih hijao, paying.”

Gam haong bruk dak padang quy hoach, taneh riyal lac halau prein hu makna piah Banraya Dong Nai peih praong labik patagok. Bhum palei hu taneh karja praong min asal kadha hu makna jang lac taneh hu pandar yau habar saong ngak jeng yaom kaom hagait ka kinh te. Kayua yau nan ye, pasang iek taneh riya brei pagam haong bruk dak padang quy hoach, dak quy hoach brei nao pagam haong buh jien tame ka ha tang saong peih paha mbaok taneh brei hu maong yau lac sa bruk hu makna. Kayua gah likuk yaok danak dak lac raidiuk di rahra. Ong Nguyễn Văn Ba, rahra di labik Danak dak sang daok rahra D2D, phuong Long Thành, brei thau:

“Labik taneh ini paga gilac nan, oh brei thei tame, meng rilo thun oh ngak hagait. Urak ini peih ngak danak dak, rahra chreih chrai, rahra biakl bui sambai kayua luai daok thaoh mada rah tabiak apui khuah, rah tabiak halak haling ngak tamuh jeng jit ruak.”

Kadha meng sa bhum taneh brei mboh sa asal kadha praong jang, taneh riya tok jeng halau prein hu ba tame pandar njauk tui dak padang quy hoach, hu ha tang pambuak saong ngak tavbiak yaom kaom brei ka patagok.

Tuk mblang ahaok par Long Thành gam haong majam jalan raya peih samar, jalan pasei saong dom labik ngak kong hu padang tabiak, caong khin ba mai labik patagok cambaih laih jang. Sa labik taneh ngak kong, meng labik ngak kong meda ngak jeng logistic saong jitvu. Nan lac halau prein taneh riya hu salih jeng halau prein patagok. Min piah ngak hu kadha ini, Banraya Dong Nai brei ba tabiak yaok danak dak dalam bruk pambuak haong sa quy hoach. Ong Nguyễn Văn Út, Akaok UB Bhap bini Ban raya Dong Nai brei thau.

“Urak ini Ban raya Dong Nai daok dak padang quy hoach taong abih. Dalam dak padang quy hoach taong abih mbang ini, khol dahlak ngak biak samar chip saong kham merrat ngak siam abih. Ban raya Dong Nai pandar sa quy hoach praong abih, oh pandar quy hoach halei, min jeng khik kajap dom labik. Dom labik brei pataom tame quy hoach taong abih, nan lac sa sahaneng blaoh khol dahlak hulin marat hatai ngak bahu.”

Labik patagok di Ban raya Dong Nai daok peih praong, min peih praong labik tok lac jalan camreip, bruk hu makna lac peih ngak labik nan yau habar piah taneh riya jeng halau prein, dak padang ha tang jeng kein lagaih ka labik hu salih jeng yaom kaom patagok suai atah. Ini jeng lac kadha kuhria ba tabiak gam saong Banraya Dong Nai dalam tukvak masa patagok bahrau./.