Thun ini taduon raok uon Chôl Chnăm Thmây di baoh sang ong Lê Văn Thắng, sa urang bangsa Khmer daok di Giồng Kreih, xa Lịch Hội Thượng, anit ranam, bui sambai bak dom haniem phol selamat ot tanot jang dom thun. Bahrau di ini, sang di ông hu karja palei daong 60 trieu dong jien meng Danak dak yah klak sang taik tahak, sang tanjie caga jaleik, taik tahak kayua hu yau nan daong ka ông padang sang barau hu khang kadang jang.

Ong Thắng brei thau lac, dalau diah sang ong kan daman, jien duah hu bahrau ganap mbang huak harei harei yau nen ye sang danaok khut khat jaleih tanjie oh jien ndo brei pasiam. Di dalam baoh sang bahrau, dom duh hatai yau dahlau oh daok, raidiuk dak tuk dak harei hu karo, daong brei ka ong jeng ye gauk gar raok uon Tet raya bangsa dalam bui sambai trei sil.

“Sang danaok kan daman, oh hu jien padai brei ngak sang. Tal ini hu Karja nagar daong padang ngak baoh sang bahrau, dahlak biak bui sambai oh daok duh hatai tuk haja hangin, dalam baoh sang sahnang hatai padang bruk ngak mbang. Dhar phol tal Ndang, Karja nagar biak ralo. Thun ini raok Chôl Chnăm Thmây trei sil jang”.

Thun blaoh, dalam tuk Ban Can Tho yam tame patagok bahrau hadei di pagam karja tinh, peih praong taneh riya brei ka ngak mbang jeng ye pataom prein yawa manuac urang, Ndang bo, Karja dan song bhap bini ban Can Tho paglaong ilamu yakyum jum pataom, kham marat yam tapa dom kan kandah dan song ngak ralo bruk jeng siam praong di dom janih kadha. Dalam nan, dom jalan pato tacei, dom sarak karja nagar brei ka bhap bini urang bangsa Khmer tuk halei jeng hu brei ngak ka bhap bini rah ra bangsa Khmer daong paglaong rai diuk rahra bangsa Khmer. Hoa thuong Lý Hùng, Phaok akaok Thuong truc Kapul Guk Pataom Po Acar ranam nagar Ban Can Tho, Podi trụ trì baha Pitu Khôsa Răngsây, khan brei thau lac:

"Ban Can Tho ieu lac sa labik hu ralo urang bangsa Khmer daok ralo di abih di bhum taneran kraong Cuu Long, ralo baha Khmer dan saong se acar. Lambaok wakil Kapul Gul pataom Po Acar ranam nagar, lakau pok panuac dhar phol payua tal Ndang, tal Karja Nagar hu patabriak ralo jalan ralo sarak karja njauk tapak daong ka bhap bini urang bangsa Khmer dan song acar, daong tame bruk truh ieik patrun kathaot, patagok rahra xa hoi, jeng ye khik caga ramik ilamu bangsa."

Pok panuac di harei taom mbaok harei Chôl Chnăm Thmây barau blaoh, muk Hồ Thị Cẩm Đào, Phó Bí thư Thành ủy, Chủ tịch Ủy ban MTTQ Việt Nam Ban Cần Thơ, lac: Dom sarak karja brei ka urang bangsa di bhum bhap bini Khmer brei ngak taong abih, brei ngak siam, ngak jeng, dalam nan hu brei ngak 3 danak dak pakat nagar. Bruk pagam nguồn lực, peih ngak dom danak dak, đề án mada daong pasalih cambac raidiuk di dalam bhap bini rahra. Bà Hồ Thị Cẩm Đào daok brei thau:

"Tukvak 2021 - 2025, ban Can Tho patom prein brei pakhang dom prein buh tame, peih ngak 218 bruk ngak pakat ha tang njauk hu gam song jien meng dom danak dak, danak dak yaok ribau tik jien ndong, dak yam dak daong ka sampurna majam ha tang jalan mbak sang danaok gom balai di bhum bhaok palei pala urang bangsa takik, pasiam cambac raidiuk di bhap bin rahra. Ilamu siam makrei di mikwa bhap bini urang bangsa takik hu rami ramik khik caga; dalam nan hu dom harei raya di urang bangsa takik hu brei peih ngak dak harei dak praong dak gheih siam jang."

Jeng hu mada mboh lac, mai meng hatai iek glang di Ndang, Karja nagar daong patame prein khang brei ka bhap bini rahra urang bangsa Khmer karo saron mbon dalam rai diuk, khik ramik ilamu brei nao tal harei hadei siam makre jang. Sa ban harei Raya Chôl Chnăm Thmây siam makre, gheih ghang, laan langaoh mai tal bak dal bhum srok urang bangsa Khmer, ba tui dom hatai jie karo kajap tame  jalan tagok karo kajap meng anak./.