Di x Phước Hậu, labaih 1.200 ha taneh padai Hè thu daok tame pataom bruk yuak kuak. Kayua hu langik tasik lagaih lagua jeng ye brei chul khang jamariak mac mok, bruk ngak mboh tagok drah samar. Urang ngak Nông pandar ralo abih dalam nan hu dom pajaik TH6, TH41 dan saong DV108, mek hu 7 tạ/sào. Muk Nguyễn Thị Xuân Thanh, palei Trường Thọ, xa Phước Hậu, tinh Khanh Hoa brei thau:

“Yuak kuak mbang ini hu 7,5 tạ/sào. Drei drak pajaih DV108, bhian urang blei tame 5.500 dong/kg, yaom kaom jeng karo.”

Oh sa janih padai mek tame hu makheik, bruk ba jamariak tame yuak kuak daong ka urang ngak nông trun tukik prein dan saong masa buh tame ngak. Ong Nguyễn Thành Anh, Yam ndok HTX Trường Thọ, xa Phước Hậu brei thau lac, dom jamariak yuak kuak gam gam di mblang hamu, gam yuak gam kuak padai saong ba papaok tuh tame bao, daong ka padai tabiak truh hamu nyu drah samar:

“Yaom hu jamariak máy móc tame yau nan ye daong ka bruk yuak kuak di mikwa sanang sane samar drah, piah dil tame bilan liua thun 2026.”

Mayah yau ye thun blaoh, urang ngak hamu bhian bih biak ralo prein harei brei ka yuak kuak jeng ye pajeng padai tabiak daok tuk ini ngak meng jamariak mac mok, masa tuk wak brei ka yuak kuak panak patut mboh cambac di mata. Ini jeng lac hu kein lagaih di palei brei ka bruk ngak hamu taneh, caga palaih hu langik tasik salih karei jeng ye daong pakuran jien ndo buh tame ngak. Di palei Caok Hiếu Lễ, xa Phước Hậu, mikwa daok pataom jamariak máy móc, mboh langik lagaih blaoh chu khang bruk yuak kuak. Ong Vạn Hoàng, palei Caok Hiếu Lễ, xa Phước Hậu sambai hatai brei thau lac:

“Meng ngak tui mblang hamu praong…”

Min, hadei di ba prein tame yuak kuak mboh daok duh hatai brei ka yaom kaom padai pablei tabiak. Ong Trượng Văn Chuối, bi thu chi bo palei Caok Hiếu Lễ brei thau, urak ini padai that urang blei tame labaih kurang 5.500 dong/kg, dalam tuk padai thu hu yaom 6.000 dong/kg, bian biak ralo dut tui bilan padai dalau. Tui yaom jien buh tame meng 2,3 tal 2,5 trieu dong/sao, mboh labaih kurang 7 tạ/sao, hadei di koh abih jien buh ngak daok hu raba oh hadom.

“Di palei Caok Hiếu Lễ jeng paglaong mac jamraik…”

Sa di dalam dom baoh kan urak ini di Phước Hậu hu lac di dom mblang pambu padai brei pataom, mikwa njauk pablei padai that hadei di yuak piah pakurang hu jien bayar brei piah khik nyu. Bruk ini ngak ka yaom kom nyu biar labaih kurang 1.000 dong/kg dut tui padai thu. Hu padai min tapi yaom kom nyu biar, tah tatih pablei tabiak ba ralo mblung mabuk hatai urang ngak nông. Mikwa caong hu ralo cara baoh kadha daong blei, pambuak bruk ngak saong blei caga gam tame padai hu ye yaom blei biar. Brei ka masa dui atah, bruk paglaong yaom kaom ngak mbang oh gam tame sa janih ngak tabiak ralo padai brah baoh karaoh blaoh blaoh daok gam tame asal yaom glaong di nyu, yaom kaom pablei dan saong darak pasar blei tame./.