Tui pasiam danak dak pakat tinh, labik tapen kraong hu brei mboh sa di dalam dom prein patagok di Vinh Long. Dalam nan, ikan hadang, jirah rivang tasik saong nang luong pasiam hu brei mboh lac dom gah hu rilo kein lagaih.

Vinh Long urak ini hu labaih 91.000ha ia taneh raong hadang ia meteh mbak meteh taba, dalam nan labaih 6.000ha raong hadang gah ngak kong tui pakat glaong. Tinh ba tabiak jalan ngak tal thun 2030 paglaong taneh raong hadang tui ilamo ngak kong pakat glaong tagok 10.000ha, pagam haong ngak tabiak kaya ikan pacang khik tasik, lagaih haong langik salih karei.

Gam haong ikan hadang, jirah rivang tasik hu Vinh Long pamaong tal patagok pagam sinh thai saong ilamo. Dom labik mai tal yau ye Ba Động, Cồn Tàu, Bến Thủy Dalam bhum Dân Thành gam haong majam inem mek sajarah daok hu pambuak piah ngak jeng rilo kaya jirah rivang. Bến Thủy dalam bhum Dân Thành hu taong abih phun jien jaik 80 ty dong, hu caong khin duh ka jalan raya peih samar meng Vinh Long – Con Dao, patagok pambuak bhum palei saong jhul tagok jirah rivang gah tasik. Ong Lâm Hữu Phúc, Phaok Yam ndok So Ilamo, Pahat Padhih saong Jirah rivang tinh Vinh Long, ndom lac jalan atah di ar tasik ieu lac sa janih kein lagaih praong piah patagok dom kaya jirah rivang:

Băng: Lâm Hữu Phúc

Băng: “Gam haong kein lagaih hu ar tasik dui atah labaih 130km, ieu lac janih kein lagaih biak praong brei ka tinh Vinh Long dalam bruk peih ngak, patagok jirah rivang tasik. Urak ini dom tasik yau Cồn Bửng, Thạnh Phú, Bình Đại, Ba Động jeng meda hu pambuak pandar; meda hu pambuak haong dom gah ngak mbang pablei salih buh jien tame labik padeih padei, dom labik me-in siam glaong piah duh tuai damuai tuk mai tal tinh Vinh Long.”

Sa jalan patagok hu makna karei lac janih pandiak nang luong pasiam. Tui roh duah di Jabat nang luong, Vinh Long hu prein pandar labih 3.900 MW ndien angin di angaok ar, jaik ar saong labaih 1.200MW ndien angin di dalam tasik.

Pagam haong nang luong pasiam pandiak lac jalan kuhria patagok Labik kinh te Ddihj An jeng labik kinh te tasik prein daong di tinh saong bhum taneran kraong Cuu Long, pagam gah ngak kong, pablei salih – jitvu, yulit jirah, ban medin tapen tasik saong nang luong pasiam prein pandiak. Labik kinh te hu praong labaih 39.000ha, hu brei mboh lac pabah bambang pablei salih pamaong tal tabiak dunya.

Piah peih praong labik patagok, Vinh Long daok jhul khang peih ngak bruk buh jien tame ngak ha tang. Jalan mbak tapen tasik pambuak Ban raya HCM nao tapa tinh Dong Thap saong Vinh Long atah 113km hu peih ngak; jalan raya peih samar CT.33 kuhria peih padang tukvak 1 di puac thun 2026.

Tui ong Nguyễn Quỳnh Thiện, Phaok Akaok UB Bhap bini tinh Vinh Long, bhum palei brei pandar rilo abih kein lagaih tasik, rilo meng lac patagok ndien angin di tasik, pagam haong gah ngak kong saong labik kinh te tasik Định An tui jalan kinh te hacih hijao, kinh te payeng.

Băng: Nguyễn Quỳnh Thiện

“Tinh Vinh Long ngak dom jalan ngak di pakat nagar, pandar rilo abih kein lagaih di tinh, rilo meng lac dalam bruk duh ka bruk patagok labik ngak kong tui jalan ngak tabiak kaya kan, kinh te payeng saong pamaong tal suai atah; pamaong tal likau jalan ngak pablei tabiak gom ndien angin di tasik, daong patagok kinh te hacih hijao, kinh te payeng, ba Vinh Long patagok karo kajap.”

Meng ikan hadang kaya kan ia tasik, jirah rivang tal nang luong pasiam, gam haong majam jalan mbak, pabah lamnge tasik saong Labik kinh te Định An, Vinh Long daok dak harei dak ngak jeng labik kinh te tasik rilo gah. Tuk ha tang hu salah blaoh, gam haong bruk daong di dom gah saong UB Bhap bini tinh dalam bruk taoh talaih harak gal, daong gah ngak mbang pablei salih, dom kein lagaih tasik brei hu rilo kein lagaih salih jeng bruk daong prein cakrok bahrau, daong ba Vinh Long patagok karo kajap dalam tukvak anak tal./.