Tui Dong y bruk taduan pandiak lac bruk nyim pandiak du langik piah palagaih kinh lạc, đả thông labik gak gar bo oh khin pandar jru atau klauk girum châm cứu.

Bambu pandiak tui Dong y nyu hu rilo lagaih dalam taong ruak saong pacang khik prein yava: Daong lagaih ka dương khí, ngak khang kadang rup pabhap; Daong khu hàn, trừ thấp; Hành khí, hoạt huyết; Khik tâm an thần, thư can giải uất; Daong taong ruak dom ruak mbuan tamuh dalam bilan li-an yau hen suyễn, barah phế quản, barah atuk tang…

Tanrak hadah ia harei tui y hoc urak ini hu tia UVB (sa janih bức xạ daok dalam bhum tử ngoại), daong rup pabhap pataom vitamin D. Bambu pandiak daok hu thau lac ba mai rilo kein lagaih haong prein yava yau patagok prein pacang jit ruak, pasiam manik ndih, siam ka prein yava atuk talang, daong pasang iek huyet ap, daong taong ruak trầm cảm, daong pacang caga dom ruak arak baoh hatai…

Taphia dom ruak kalik yau vảy nến, juk bram, bạch biến bhian hu kakei bambu pandiak tui pato tacei, tui y hoc urak ini, dom urang kurang vitamin D, mbuan kurang talang, urang srau kadau manik ndih, urang njauk tram cam tui bilan, urang tagok huyet ap njuel lac kapul urang bhian hu kakei bambu pandiak rilo jang.

Piah bambu pandiak salamat, mikva brei bambu pandiak dalam var page dahlau 8 – 9h page atau biar harei hadei 16h.

Patakik bambu pandiak meng 10h tal dahlau 16h kayua ini lac tuk tia cực tím ngak bruk khang abih, mbuan mbang pandiak, kan kandah ka kalik saong mbuan ba tal ung thu kalik.

Sa urang praong bhian tok khin bambu pandiak labaih 10 – 15 minit yaok harei, dom mbang yaok adit lac ginup piah rup pabhap pataom vitamin D.

Nan bambu pandiak kalik di tangin, takai atau ka-ing, plaih dom labik kalik mbuan mbang pandiak.

Uranaih umo ala 12 bilan oh brei bambu pandiak tapak atau pandiak khang bo brei tangi langyah di bac si.

Tuk bambu pandiak meda pandar dom kaya ndap nda sangka kalik yau kem pacang pandiak, pabak ia, mbang dom kaya meda vitamin C,E piah daong pacang khik kalik./.