Ikan hồi daok dalam janih ikan hu ralo lamek nan hu janih lamek saong hu yaom brei ka prein yawa glaong jang dut saong rilo janih ikan mek ralo karei. Mintapi, bruk nan oh njauk lac mbang ikan hồi bandu ngak ka rup hu lamek atau ngak kandah ka bruk trun kilo. Tuk lamek ba tame rup saong tanut rup nyu halai abih dalam harei.

Tui janih ikan hồi bandu, bruk njauk caik hatai nan hu lac janih lamek di nyu. Ikan hồi hu rilo janih lamek oh bão hòa, gam haong nan pabak EPA saong DHA - dua acid lamek omega-3. Ini lac janih ikan hồi bandu saong dom janih ikan lamek bhian hu pachreih dalam bruk mbang siam mekre.

Mintapi, kein lagaih janih siam lagaih ralo di nyu brei ka tup pabhap di ikan hồi jeng pambak tame binah mbang saong bruk ngak kaya mbang. Brei caik dahlau di pakon atau tuk ikan, am di glaik chảo atau am takik menyek salih brei ka tahana dauk menyek atau ngak kaya pagam tui janih lamek, sara saong saradang.

Kayua yau nan ye, meyah daok dalam luac jalan patakik lamek, mikva jeng mbang hu ikan  hồi. Tuk hu ba tame dom var mbang huak hu njam patam, brah tapung meda janih xơ saong dom halau protein karei, ikan hồi gam ngak meda kaya mbang gam pabak rilo janih siam lagaih brei ka rup pabhap.

Langiu di janih lamek siam, ikan hồi daok lagaih siam kayua ralo protein glaong. Ini jeng ieu lac dom janih siam brei ka bruk khik tani tanat saong pasiam baoh hapal, rilo meng lac tuk drei bahrau pasiam bruk mbang huak pagam haong pasram. Sa var mbang huak hu ginup protein jeng bhian ngak tabiak bruk mboh trei suai, daong bruk pasang iek lipa tian saong khik tani tanat bruk mbang huak bhian jeng mbuan sanang jang.

Oh sa janih barau bau yau nan, ikan hồi daok pabak rilo vitamin saong janih khoang chat siam ka anek manuac yau ye vitamin B12, vitamin D, selenium.

Vitamin B12 daong tame luac jalan ngak jeng darah hong cau saong salih nang luong prein yawa; vitamin D daong prein yava talang saong chuc nang ralo; dalam tuk selenium hu mbaok tame majam pacang oxy saong rilo bruk salih di rup pabhap. Meng nan, ikan hồi bam ai yaom kaom dinh duong taong abih dalam binah mbang.

Ngan haong bruk lagaih ini, ikan hồi bandu jeng palih ruah njauk tani tanat dalam kaya kan huak mbang brei patrun lamek dalam rup, langiu di dom janih ikan ralo, ralo menuk ada, baoh menuk baoh ada, tauhu atau dom janih ritak… Salih lagaih rilo di dom kaya mbang jeng yau daong bruk mbang huak mbuan khik tani tanat suai atah bo jeng daok khik kajap pabak rilo kapul janih siam ka rup pabhap.

Mbang ikan hồi iakan bandu yau habar piah gam patrun lamek gam ginup janih siam brei ka rup pabhap?

Ikan hồi meda protein saong janih lamek siam min jeng pabak rilo nang luong prein yawa ka rup pabhap, kayua pasang iek binah mbang lac bruk njauk brei caik dahlau tuk patrun lamek. Sa binah mbang labaih 100 - 150g ikan hồi ka sa var mbang bhian pasamu, hadei nan pasiam tame taong abih hatai caong ka nang luong, bruk pahat rup saong dom kaya karei dalam harei.

Oh mbang ikan hồi gam haong dom kaya meda janih lamek atau tinh bot tinh chế, drei meda pagam gam haong kaya rilo njam patam saong lisei, habei saong atau baoh karaoh hu asar. Bruk pambuak ini daong pasamu jang ka protein, janih lamek, carbohydrate saong janih xơ, gam haong nan brei bruk mboh trei bo oh khin patagok rilo nang luong brei ka rup pabhap.

Tuk ngak ikan hồi, brei caik dahlau dom jalan ngak mbuan sanang yau ye tuk, am atau am di glaik chảo hu ha sit menyek gap mbiah piah mbuan pasang iek calo. Dom janih yau amraik kalu, lasun patih, thì là atau thảo mộc meda hu daong kaya ikan hu bak pahe bangi blaoh oh cang brei sốt kem, bơ atau ia sốt ralo saradang saong janih lamek./.