Tangin takai pabah ieu lac labik dalam rup anek manuac mbuan si tamuh ruak njom mbak bhian gaok di uranaih, pambak samar dalam labik rilo menuac urang. Rilo anek naih njauk ruak tangin takai pabah meda hu pasiam hadei dom harei meyah hu sangka ka njauk. Min, ruak jeng meda rah tabiak trak hu dom bruk tamuh ruak trak karei meyah oh hu pasang mboh saong taong ruak dil samu.

Oh njauk bruk ruak tangin takai pabah halei jeng rah tabiak ginup dom bruk mbuan mboh yau dom inem ndaih baoh di palak tangin, palak takai. Di tukvak akaok meti, uranaih meda pandiak rup, pandik tarakaong, alah mbang huak atau rah tabiak dom laka dalam pabah. Dom bruk brei mboh ini mbuan klak tapa atau nda lac dom ruak njuel bhian biasa.

Rilo uranaih njauk tamuh ruak tangin takai pabah meda hu siam hadei sa tukvak hu sangka saong tui iek. Min, jeng hu dom bruk ruak tamuh samar, rah tabiak ruak trak di arak, arak baoh hatai, thuak yava. Tui tien si, Bac si Đỗ Thiện Hải – Phaok yam ndok Pasak Sang iek ruak ndiet doi – Sang iek ruak Uranaih Trung uong, amaik ame brei sangka iek praong tal dom salih dalam rup saong phản ứng di uranaih:

“Dom bruk rah tabiak di dom ruak tamuh trak di tangin takai pabah ye bruk brei mboh aval drah di abih nan lac uranaih hia luac malam oh ndih. Bruk brei mboh ka 2 lac pandiak rup glaong blaoh oh lagaih haong jru patrun pandiak bhian. Bruk brei mboh ka 3 blaoh dom amaik ame meda tui iek hu lac bruk uranaih ndaoh rup. Lac bruk uranaih meda daok ma-in bhian min jeng hu bruk ndaoh rup.”

Sa asal kadha karei jeng hu sangka lac prein njom mbak di tangin takai pabah. Virus ngak ruak meda pambak tapa bruk gaok taveik urang ruak, tapa ia dịch tiết saong khak di uranaih ruak. Kayua yau nan ye, tuk uranaih ruak, amaik ame brei ka uranaih padeih bac, patakik gaok dom uranaih karei saong caik hatai tal labik daok dang me-in.

Tangin takai pabah urak ini oh ka hu jru taong ruak ka nyu saong vaccine caga ruak. Kayua yau nan ye, bruk mboh ruak aval, sangka njauk jalan saong tui iek dom bruk oh bhian jeng lac dom asal kadha daong patakik mbuan rah tabiak ruak trak. TS.BS Nguyễn Văn Lâm – Yam ndok Pasak Sang iek ruak nhiet doi, Sang iek ruak Uranaih trung uong caik hatai ka dom tanut ruak saong bruk taong ruak:

“Tangin takai pabah hu rilo bruk tamuh jeng ruak karei ka arak baoh hatai, ka majam tuần hoàn, tamuh ruak ka phổi, thuak yava saong glo akaok. Min, urang rabha biak rilo tanut yau tanut 1 sangka di sang daok meng tanut 2a ba tagok meda sangka di y te labik bhum saong patui tame tanut ruak drei hu dom bruk taong ruak dil samu saong lagaih ka uranaih.”

Tui yaok baoh sang, dom bruk bhian randap yau khik hacih ka tangin, oh pandar kaya haong urang, pahacih kaya me-in saong brei ka uranaih padeih bac dalam tuk njauk ruak jeng hu makna dalam bruk pacang caga tangin takai pabah.

Meng tapak bruk di dalam sang, pambuak haong sang bac saong ba uranaih nao pasang iek ruak dil samu tuk mboh bruk oh bhian brei daong pacang khik prein yava uranaih, patakik njom mbak ruak tangin takai pabah dalam bhap bini, rilo meng lac dalam tukvak thun bac bahrau rah tabiak./.