Ruak glo mô cầu meda taong ruak meng jru kháng sinh, min ruak cakrok samar saong mbuan tamuh jeng ruak trak karei. Kayua yau nan ye, langiu di bruk metai meyah oh hu duah mboh aval, langyah dil samu. Kayua yau nan ye, langiu di bruk thau ka samar aval drah dom bruk kakei caga, rahra brei srap gap pacang caga ruak meng bruk khik hacih ta-eng rup drei, patakik bruk mbuan njom ruak tapa jalan thuak yava saong klauk vaccine tui pachreih kakei.

Anek ruak nao mo cau njom mbak rilo tapa ia dich darah jalan thuak yava saong ia pabah tuk taom gaok jaik haong urang njom anek ruak atau urang njauk ruak. Bruk mbuan njom mbak meda tagok dalam labik rilo menuac, labik kandauk atau hadei tuk taom gaok jaik.

Piah patrun bruk mbuan njauk ruak, rahra khin brei ngak dom jalan caga yau ye:

Khik labik daok laneing lanoi. Bhian pahacih sa-at sang daok, labik ngak bruk saong dom labik pambuak me-in haong gauk, patakik pataom rilo menuac urang dalam bilik sir saong plaih taom gaok gauk dalam labik biak ganik dalam tuklvak anak tal.

Pahacih sa-at, rao tangin bhian meng jabon saong ia hacih, njauk ndom tal lac tuk patuk, taglak atau taom gaok haong ia dich darah jalan thuak yava. Oh tacuac ia pabah bilik di labik rahra. Tuk patuk atau taglak, brei pacang sir idung, pabah; klak siuk bi-ar pandar blaoh njauk labik di nyu saong rao tangin hadei nan.

Pacang mbaok tuk njauk pabang. Urang hu njauk ruak jalan thuak yava brei cuk pabang mbaok, patakik taom gaok jaik haong urang karei saong srap gap nao pasang iek ruak tuk hu mboh bruk oh bhian.

Langyah njauk tuk taom gaok jaik haong urang njauk ruak. Urang daok dalam sa baoh sang, urang taom gaok tapak haong ia dich dalam pabah, idung tarakaong atau taom gaok jaik tui taong yaom dịch tễ khin hu pathau khan haong labik y te piah hu tacei ba.

Klauk jru caga ieu lac sa dalam dom jalan ngak hu makna daong patakik mbuan njauk ruak kayua dom kapul anek ruak glo mô cầu akaok hu dalam vaccine. Urak ini hu dom janih vaccine njauk lagaih haong thun umo, bruk prein yava saong mbuan njom ruak. Tukvak saka njom ruak saong hatai caong klauk jru caga gilac khin ngak tui tacei ba di dom jabat klauk jru caga.

Ruak glo mô cầu akaok meda tamuh haong dom bruk brei mboh oh cambaih yau pandiak tabiak darah, pandik akaok, glaih glar, mbuan maluk haong dom ruak njom mbak bhian. Min, ruak meda rah tabiak samar saong ba tal kan kandah trak meda suai dalam bruk taong ruak.

Rahra brei caik hatai caga tui iek prein yava, njauk ndom tal lac hadei tuk taom gaok jaik haong dom urang njauk ruak atau tuk rah tabiak pandiak rup pagam tui pandik akaok khang, khang gah likuk akaok, mblung mabuk atau tabiak darah. Tuk hu mboh bruk kakei caga, khin brei nao tal labik y te aval, oh ta-eng taong ruak di sang.

Njauk klauk dalau jru vaccine, khik tani tanat pahacih rup, khik labik daok laneing lanoi saong ngak njauk tacei ba di urang ngak bruk y te tuk taom gaok jaik lac dom jalan ngak lagaih daong pacang khik asal rup drei, baoh sang saong bhap bini anak ruak glo mô cầu./.