Can thi:  Mata iek oh mboh ieu lac sa janih ruak kayua mai meng bac megru bhian gaok abih saong mbuan rah tabiak rilo. Bhian, thaik thaot hagait tuk tapa majam quang hoc di mata ye hu pataom njauk di võng mạc daong ka drei maong mboh cambaih laih. Tuk majam quang hoc di mata gaok kan kandah, thaik thaot di hagait daok di anak võng mạc ngak ka mata bang.
         Makna maong jaik oh mboh kayua bac megru mai meng bruk anek saih maong jaik gam gam kayua aduk bilik bac oh hu ginup hadah baoh huruh, kayua bruk randap, kayua daok dala biak suai, biak rilo anak mbaok jamraik compute, paban kik praong oh njauk lagaih (yau ye kik biak biar, paban ye glaong), kayua paban kik oh njauk tui thun umor anek saih praong sit.

Dom bruk ba tal bang mata kayua bac megru mbuan mboh yau ye uranaih anek saih maong tapuk gia jaik mata, bhian kamrao pandik lagah mata, maong mboh yau bang mata, bhian kanyiu mata, mblieng akaok tuk maong, oh takre dom bruk maong atah yau ye caoh baraong, ma-in taong pingpong kau balau. Anek saih njauk trak bhian meda hu kaleik mata pagam tui.

Vaiy talang raong: Di anek saih, talang raong daok meda, bruk vaiy jeng biar jang dut haong menuac praong. Meyah daok dala di angak kik paban oh njauk oh lagaih suai yau ye kuk akaok, tandak tada, mblieng tapa hanuk atau gah ieu ye mbuan ba tui vaiy ka-ing (di labik talang thuk); kandak ka-ing kayua banah talang baraong tandak tabiak anak.

Vaiy talang raong mada kayua paban kik oh njauk (biak glaong atau biak biar) oh lagaih, kayua bruk randap daok oh njauk, kayua teik galam trak (pagap yau ba tadung tapuk trak 5 – 6kg) di anek saih pakat sit tieu hoc, daok biak suai piah bac megru, iek tivi, jamraik kompute…

Vaiy talang raong ngak ka rup pabhap daok oh tapak rup hu, ngak kan kandah ka dom bruk pasram pahat rup, ngak ka tada jeng thaik karei nan mbuan njauk ruak kurang thong khi phoi, ngak kan tal bruk patagok di talang tagok, saong vaiy talang raong ngak ka urang ruak mbuan malau, kan si ba drei tame dom bruk dalam rahra bhap bini. Vaiy talang raong daok ngak kan tal bruk cakrok patagok di talang taok, kayua kan kandah tal bruk menek anek di anek saih kamei tal tuk khin ngak amaik di hadei di nan.

Mblung di glo akaok sahaneng: Dom anek saih mbuh ruak mbung glo akaok sahaneng, rilo meng lac bhian drut druai saong bruk ngak ka anek saih dak harei dak ralo janih mblung mabuk, rilo di nyu mboh di dom uranaih di banraya, labik bo anek saih njauk rilo kateik geik praong dalam bruk mai meng bac megru.

Bruk mbuan si mboh mbung glo akaok sahaneng di anek saih dalam thun umo bac megru hu rilo tanut yau ye lahik bruk pataom tame sahneng sa bruk, cuang kandah, pandik akaok, kan thau ka bruk ngak di rup drei, gaok mai sahaneng tal bruk ta-eng pametai drei. Bruk ini mai meng bruk bac megru biak rilo, bac megru di langiu sang bac rilo, dak ramik oh ka njauk dalam dom kadha bac, amaik ame caong takre di anek biak rilo nan ngak jeng sa glo akaok sahaneng trak damak ka anek saih, bruk pahacih sa-at, sangka prein yava dalam bruk bac megru di rilo labik ye oh ka hu khik kajap, tukvak bac mableh abih tukvak me-in ka dom adei tuk halei jeng daok dalam bruk ngak bruk gam gam, glo akaok saong rup pabhap oh hu tukvak padeih padei./.