Asal kadha palih ruah pajaih: Pajaih phun lahaong biar, tabiak baoh drah aval, hu prein pacang ruak siam: pajaih Lahaong meng Taiwan, pajaih Hồng Phi, pajaih biar Thai Lan atau pajaih di labik bhum hu patagok. Brei caik dahlau pajaih phun binai glaong (labaih 80%) piah paglaong bruk tabiak ralo baoh.

Srap gap phun lahaong anek: Pabam meng kadaoh atau khay pajaih, pandar giá thể hacih: bau hakam, xơ li-u, khak huu co vi sinh. Phun ba pala tuk glaong 25-35cm, khang kadang, oh halak haling.

Caong khin taneh pala lahaong mbleng: Taneh tachop, tathuak ia siam, pH meng 6.0–6.5. Pok ro glaong (20–30cm), praong 80–100cm meyah pala langiu mblang hamu atau dalam bein.

Bruk pala lahaong mbleng: Cakac labang praong 40x40x40cm, pasiam taneh tapak ndaok meng khak var ro, cur, khak huu co vi sinh, pagam haong Trichoderma piah caga anek ruak saong bamao ruak.

Tuk pala, caik phun mbleng labaih 45 ndo dut saong mbaok taneh, akaok hajung mbleng gah Pur atau Pur Meraong (raok hadah page siam jang biar harei). Lam taneh njuel di takai phun, ngak ka katiel, klauk jamang pataok khik phun meng talei laman piah oh njauk angin yuk megei.

Brei pala paatah phun lahaong mbleng: Patui ralo atau tukik quy mo saong pajaih: pala tui mat do yaom meng 2m x 2,5m hoặc 2,5m x 3m lac njauk lagaih, khik kajap laneing takai phun saong mbuan raong iek .

Raong phun saong drak khak ka phun lahaong tuk pala mbleng: Tui ia ka lahaong tuk pala mbleng. Tuk phun daok meda: tui yaok harei di var page atau biar harei. Tukvak hadei: tui ia 2–3 harei/mbang, patui langik. Plaih piah ka taneh dauk ia ngak bluk agha.

Drak khak ka phun lahaong tuk pala mbleng: Tuk phun daok mada pandar khak hữu cơ atau khak NPK njuol paba liều nhẹ.

Tukvak cakrok khang: drak khak NPK atau khak huu co khoáng, rabha jeng rilo mbang drak atah di gauk meng 15-20 harei. Tuk nyu tabiak bangu saong ba hu baoh: pabak khak Kali saong Canxi piah patagok asar siam ka baoh, pacang druh bangu/baoh meda.

Siam lagaih tuk pala phun lahaong mbleng: Phun lahaong pala mbleng meda brei mek hu baoh meng bilan 4-5 hadei tuk pala. Ngan haong kein lagaih sangka siam, yaok phun brei meng 60-100 baoh/thun, trak kuhria rah tapa 1,2–2kg/baoh. Bruk tabiak baoh glaong, asar siam di baoh samu gauk, takik vaiy vang. Patrun 30–50% urang paik baoh dut saong pala dang tapak. Paglaong siam lagaih bruk ngak tabiak di sa taneh meng bruk ngak glaong saong patakik jien buh tabiak ka ngak mbang.

Pala phun lahaong mbleng ieu lac sa jalan pala patagok mbuan mbiah min tapi nyu hu ba mai siam lagaih ka baoh karaoh siam ralo nang suat, asar siam saong lagaih ka sangka ieik glang. Ini lac bruk lagaih ka urang ngak nong sit, sang bein atau dom labik pala tui jalan huu co, payeng. Tuk pandar njauk ilamo, mikva meda hu paglaong siam lagaih kinh te bo oh khin buh jien tame praong ka ha tang atau pajaih karei crih./.