Dom majam talei phun kruac hijau jangaih di labik jirah Trí Hà, phuong Đô Vinh, daok brei bak baoh laya mayam. Pajaih di nyu hu sa-ai Nguyễn Đình Trí pala iek di taneh labaih 500m2. Hadei di 5 bilan, talei phun kruac tabiak baoh akaok meti siam njauk hatai, urang mai mboh taong yaom glaong. Sa-ai Nguyễn Đình Trí, Phuong Đô Vinh brei thau:

"Meng camereip, dahlak dan saong dom adei sa-ai hu bac magru ba talei phun kruac mai pala iek. Gam tui taneh 500m², hadei di 5 bilan talei phun kruac nyu brei baoh akaok meti ngak ka urang mai jirah biak chreih takre. Tapa bruk pala akau mboh nyu tamuh siam, tabiak ralo baoh, mbang biak bingi, yamen yamen, masam masam hasit, lagaih saong urang mbang nyu". 

Dahlau diah, tuai damuai urang jirah mai tal Trí Hà sa janih piah iek ma-in di bein danui nyo. Bruk brei pala talei phun kruac daong ka ralo urang chreih mai iek urang ngak mbang di ini. Oh sa janih chreih di nyu tabiak baoh ralo blaoh urang jirah jeng hu mbang iek di dalam bein. Ini jeng lac janih ngak brei yaih khan ka urang baoh karaoh di ngak nong tal urang mai iek.

 Caga dahlau khin brei baoh talei phun kruac ka urang mai jirah tal bein tui yaom 50 ribau dong 1kg. Mayah ngak hu siam nyu mada brei peih praong taneh pala jeng ye peih praong bruk ka urang jirah pandar nyu.

Tui urang ilamu taong yaom, dalam bruk ngak hu siam lagaih, talei phun kruac pala dalam sang gam tui tuh ia takik mada mek hu meng 80 tal 100 tan di dalam sa hecta. Kayua yau nan ye, gam tui bruk pala phun pajaih bahrau, pala ngak iek, taong yaom ka nyu lagaih jeng ye padang bruk ka nyu njauk ieu lac bruk ngak siam dahlau si peih praong. Tien si Phan Công Kiên- Phaok akaok Viện, Insitute Kapah saong Patagok ngak Nông Nha Hố, tinh Khanh Hoa.

 "Mayah ngak njauk cara ilamu di nyu jeng ye caik hatai padang siam angan jie gam patagok jirah brei iek, khol drei mada patagok janih yaom kaom bahrau, dalam nan hu talei phun kruac aik kanyik."

Sa kadha kein lagaih njauk caik hatai brei ka talei phun kruac di phuong Đô Vinh ieu lac sa janih mada pambuak hu bruk ngak jirah rivang main ngak iiek. Tuai damuai urang jirah oh sa janih mboh tapak meng mata blaoh daok hu brei tame ieik urang ngak urang pala urang paik baoh blaoh tapak drei mbang iek nyu. Ini lac sa jalan nao lagaih brei ka ngak nong pagam saong jirah, dalam nan bein talei phun kruac oh sa labik janih pala blaoh daok jeng labik jirah ma-in, khan yaih jeng ye pablei kaya kan./.