Ruah pajaih ikan kuak hamu

Bruk palih ruah pajaih ieu lac sa bruk ngak njauk caik hatai ka bruk ngak hu saong siam lagaih. Brei palih ruah pajaih meng dom labik hu angan je, khik kajap dom asal kadha: Ikan khang kadang, luai sami samar, oh karei thaik thaot. Thaik thaot nde samu gauk (labaih 3-5 cm/drei). Oh hu ruak yau ye saluah laka, tabiak darah. Langiu di nan, brei palao pajaih tame hadah page atau biar harei halui piah plaih shock pandiak la-an ka ikan.

Caga danao raong dahlau di tuk palao anek ikan

Danao raong brei hu caga dalau ka tani tanat piah ngak jeng labik lagaih ka ikan praong siam: Danao praong: 500-1.000 m², tanut ia dalam meng 1-1,5 m.

Pasiam danao: Taoh pathuak ia brei ka nyu trun daok kaoh ramik gluh di ala danao, drak cun (7–10 kg/100 m²) piah palahik janih jhak, bambu ala danao 5-7 harei.

Ba ia tame: Ia brei Halang tapa hanyuel plaih caga anek ikan karei chok tame, khik tani tanat sambo ia hijao pagap makre, meda ngak sambo ia meng khak atau kaya ndap nda brei pambang meng sinh hoc.

Cara raong ikan kuak mek ralo

Tuk brei palao tame danao raong: 30-50 drei/m² patui kein lagaih brei ka bruk raong glang

Kaya mbang:

Tuk barau buh tame raong: kaya mbang tui  ngak kong brei ka raong glang hu tanut ndam 30-35%

Tuk hadei di nan: meda pambuak kaya mbang yau haleik, anek abao, ikan karei

Brei mbang: brei ka nyu 2 mbang/harei (page/biar harei), kaya mbang labaih 5-7% tui rup anek ikan

Caik hatai iek glang alam langik tasik: Salih ia yaok tukvak 10-15 harei/mbang, pasang iek pH (6,5-8), oxy hlai dalam ia, khik brei ka danao ia raong ikan brei bhian hacih saat, plaih caga njom nerak.

Ikan kuak meda hu prein ciuk labik ia oh lagaih siam, min jeng brei khik kajap kein lagaih piah ikan cakrok tagok drah samar.

Caga saong taong ruak ka ikan

Dom janih ruak bhian mboh di ikan hu: ruak bamao, ky sinh trung, tabiak darah. Jalan caga ruak siam lagaih: Khik ia raong ikan brei ka hacih, oh luai njom nerak, srau vitamin C, men tung pruac tame kaya mbang piah patagok prein pacang caga, yaok tukvak pandar kaya che pham sinh hoc.

Tuk mboh ikan ruak: Atah labik raong meyah meda hu, pandar jru kaya dalam ia tui jalan tacei ba di urang jakar gah ilamo ky thuat.

Pablei ikan

Hadei labaih meng 4-6 bilan hadei di raong nyu, ikan trak 80-120 g/drei meda mbang hu: Thraong mek ikan njauk piah pablei atau taong abih hatai caong di darak pasar.

Dahlau di tuk thraong mek drei brei padeih brei mbang 1 harei piah khik asar siam brei ka ikan.

Khik ka ikan hadiuk atau pajeng ba samar piah khik kajap tanut that bangi.