Thun 2025, danak dak padang bruk ngak padai huu co – hadang daok dalam danak dak pachreih bruk ngak nong pakat negar thun 2025 hu Pasak pachreih bruk ngak nong tinh Ca Mau peih ngak saong pambak prong di rilo palei pala dalam tinh. Bruk ini hu peih ngak di dom xa yau ye Hồng Dân, Khánh An saong Nguyễn Phích haong mblang taneh 30 ha/27 baoh sang hu mbaok tame. Dom baoh sang hu daong pajaih, ndap nda ngak tabiak, pathram ilamu saong pambuak pagam haong bruk blei tame kaya nong ngak tabiak.

Bruk pandar ilamu raong hadang 2-3 mbang vaktu, pandar ndap nda sinh hoc dalam luac tukvak raong, ngak brei patrun khak buh ka padai, patagok ndap mbang tamo, patrun ndap mbang pabak brei ka hadang.

Bruk ngak hu di bruk ini brei mboh, bruk raong hadang mek hu 814 kg/ha, glaong jaik 3 mbang dut saong jalan ngak bhian. Urak ini hu 100% baoh sang hu mbaok tame ngak jeng hu raba kuhria rah tapa labaih 100 trieu ndong/ha. Langiu jien mek hu meng raong hadang, ngak padai dalam bruk mek hu tanut chuan huu ke ngan haong nang suat kuhria rah tapa 5,5 tan/ha, hu baoh sang mek hu 6,5 tan/ha.

Bruk naih gheih praong siam abih di dom bruk ini patakik ia hoa chat, oh pandar ia jru khang sinh, pagam haong pacang khik alam langik tasik, mek hu tanut chuan huu ke pakat dunya, meng nan hu dui pachreih rilo gah ngak mbang pablei salih hu mbaok tame ngak, blei abih.

Tal thun ini Pasak Pachreih gah ngak nong tinh Ca Mau pambuak haong Pasak ngak bruk Halan tian phuong Láng Tròn peih bruk pala padai huu ke pambuak raong hadang di Khóm 16B saong Khóm 17 haong quy mo 10 ha/9 baoh sang hu mbaok tame. Dom baoh sang rahra hu daong 50% hadang sú pajaih ngak tui jalan di baoh sang, 50% padai pajaih gam haong dom janih kaya njauk hu duh bruk ngak yau cun, men vi sinh, khak huu ke sinh hoc saong hu tacei ba pandar samu dom ilamo ky thuat dalam bruk pasang iek labik raong hadang, pala drak padai tui jalan huu ke.

Bruk naih gheih di phuong Láng Tròn oh lac sa janih brei pamaong tal jalan patagok bruk ngak, blaoh daok pataom tame salih jalan sahaneng ka gah ngak mbang pala drak di urang ngak nong ngak tui jalan bhap bini tapa ngak tui tame he sinh thai dalam alam langik tasik. Bruk patagok pandar kaya ngak meng sinh hoc, patrun khak drak meng ia jru hoa hoc saong jru pacang khik phun kayau njam patam daong pasiam taneh, khik tani tanat ka ia saong paglaong prein khang lagaih haong dom bruk rah tabiak oh lagaih di langik.

Tapa pasang iek, tal ini hadang raong dalam bruk ngak mek hu praong labaih 75 harei, praong kuhria rah tapa 35 – 40 drei/kg, cak rok siam, bruk hadiuk siam mbiah, danao raong tani tanat. Ini lac bruk siam lagaih brei mboh ka bruk daok patagok njauk jalan saong hu rilo caong takre mek hu dom tanut ba tabiak tuk abih mbang raong pala.

Njauk bui sambai lac tal ini, di Ca Mau hu ngak jeng labaih 27 majam pambuak ngak hadang – padai di gah ngak mbang pablei salih, htx saong baoh sang ngak nong, hu taneh pambuak saong hu mbaoh tangin tagok tal 37.816ha.

Ong Nguyễn Văn Liệt, daok di puk 1A, xa Phong Hiệp brei thau, mbang raong hadang – padai thun 2025 meng blaoh lac mbang njauk abih meng dahlau mai di baoh sang. Bui abih lac drei ngak tabiak asar brah huu ke, hu yaom glaong piah pablei tabiak. Ala takai phun padai daok hu hadang sú, aring, hadang ginraong daok dalam danao, gam hacih sa-at gam mek hu yaom asar glaong. Tui labaih 3,5ha taneh ngak mbang, baoh sang ong kuhria mek hu labaih 300 trieu dong./.