Gah bol lin duah pataom atau talang liet si di Bộ Tư lệnh TPHCM duah hu veik 5 atau talang liet si gam haong 4 mejam kaya kan di urang. Kuhria tal ini duah pataom hu 74 atau talang liet si saong sa labik atau talang dom liet si dar haong gauk. Pasang iek labik kuac duah, Thieu tuong Trần Chí Tâm, Phó Chính ủy Quân khu 7, Akok Mban Tacei ba Quân khu 7 caong khin dom don vi ba abih hatai patui veik bruk ngak,  brei tani tanat, oh klak tapa inem halei atau khaw tin hu yaom glong, kham merat ngak brei siam bruk duah pataom talang liet si, rik tame ba dom AHLS hu mai veik haong baoh sang saong ayut sahabat di drei.

Mon 17 tuk harei 14 bilan 7, tukvak tut angan palih ruah dai hoc thun 2026 brei kareih online, dalam negar hu labaih 874.000 anek saih brei tut angan, hu taong abih tih labaih 7,18 trieu bang palih ruah. Dalam nan, hu jaik 468.000 anek saih tut angan palih ruah  tame dom khoi STEM. Tui bruk palih ruah, dahlau 17mon harei 13/8, dom labik pato pakai khan brei thau tanut palih ruah saong angan anek saih hu palih ruah tame mbang 1. Taong abih  anek saih hu palih ruah tame, gam anek saih palih ruak tame tapak, brei tut angan di He thong dahlau 17 mon harei 21/8 meyah hu caong khin tui bac.

Tỉnh Vĩnh Long daok jhul pasamar bruk peih ngak dom danak dak jalan kraong ribaong  saong logistics di gah Meraong negar. Urak ini, dom don vi daok peih ngak danak dak jalan kraong ribaong saong logistics di gah Meraong negar kuhria tui jien hu jaik 3.900 ti dong. Jien buh tame ngak danak dak piah pasiam he thong ha tang, takik gar tavak, rah tabiak bala, trun takik abih jien pajeng ba kaya kan meng jalan kaong ia, paglong jalan pajeng ba gah Pur - Pei pambuak bhum taneran kraong Cuu Long.

Enam bilan tapa, Bol lin Bien phong TPHCM pasang iek labaih 20.000 mbang gilai kapal  taong chap ikan tame, tabiak, langyah hu 33 mbang ngak suan hukum taong chap kaya dalam ia, oh khan brei thau saong oh tui hukum IUU. Thieu tuong Trần Thanh Đức, Chỉ huy trưởng Ban Chỉ huy BĐBP TPHCM caong khin dom don vi patui khik iek gilai ikan, pakhang bruk pasang iek, langyah catang dom bruk ngak suan, rik tame taneh ia samar taoh talaih “ the kanjik katam” EC.

Ndem tal rilo taneh pala phun di tinh Dong Thap ruak saong metai ralo, taneh gaok kan kandah kayua pandar halau ia njom nerak meng ribong pruh ka phun blaoh oh ka padeih metai. Mbiah tal ini, hu labaih 213 ha dalam taong abih 438 baoh sang hu phun pala  metai  kayua ruak kanyik hala kaduk, pluh hala, metai phun. Urak ini, jabat gah khik iek phun pala  kakei bhap bini padeih njuk pruh ia  meng kraong ribaong tame hamu; padeih paik mek pablei dom janih njam patam njom nerak.

Hajan praong dui atah  labaih sa adit tapa ngak ia ribuk saong glut jaleih taneh praong di Bangladesh, ba tal takik abih 51 urang metai, labaih 1 trieu urang gaok kan kandah saong yaok ribau baoh sang brei panduan ba nao labik karei. Anak bruk langik oh lagaih, karja bhum palei kakei ka ribuk, mbuan glut jaleih taneh, brei panduan ba bhap bini tabiak truh dom labik mbuan gaok bala saong padeih rilo mbang pakacah.

Australia brei ngak pakat the tame negar dien tu di dalam negar. Tui nan, taneh ia ini brei ngak pakat the dien tu dalam 18 bilan, salih ka bruk ngak meng ba-ar ka tuai damuai dunya, hu ngak meng rilo thun tapa. Tui jalan ngak birau, tuai damuai brei pasang ma QR di mblang kapal  ahaok piah tame blah web saong ngak salah harak dien tu.

Gah Y te dunya (WHO) khan brei thau 80% mbang urang njom ruak Ebola birau di gah Pur negar Congo oh ka thau cambaic laic mai meng halei. Bruk nan brei mboh jit ruak njom mbak samar jang bruk duah saong pacang ruak di gah y te. Kuhria tal ini, taneh ia ini hu labaih 1.900 mbang njom ruak, dalam nan hu 702 urang metai. Dalam bruk karei jeng dreih yau ini, karja Tổng thống Mỹ Donald Trump khan brei thau oh brei adat bhap bini Mỹ daok di Conggo mai Mỹ tapa dom kapal ahaok pajeng ba./.