Ngak padai meng samart phone – ini lac bruk ngak siam lagaih, daong patakik bruk oh lagaih, patagok bruk ngak hu, asar siam padai kaya ndap nda saong pamaong tal bruk ngak nong hadah bahrau… Bruk ngak tabiak biak bahrau ini hu dom urang ilamo saong urang ngak nong ieu lac pala padai meng atah.

Dom thun jaik ini, dom tinh, ban bhum Taneran kraong Cuu Long hu gah ngak nong daong pagam dom majam quan trắc maong iek langik tasik kraong ribaong, balai jamariak cảm biến pasang iek anek rih, tui ia dauk – ia thu tablak tapa majam nding cam bien… Tapa nan, hu daong urang ngak nong srap gap dalam bruk pala padai di dom tukvak hu makna, daong rah rah brei mboh sa bruk bahrau, daong ngak jeng sa bruk bahrau dalam bruk pala padai di bhum pala padai praong abih dalam negar.

Dalam bruk ngak nong, padai ieu lac janih phun pala njuk ia rilo di abih, kayua yau nan ye, srap gap halau ia hu maong yau ye asal kadha hu makna daong khik kajap bruk ngak hu. Rilo urang ngak nong di dom tinh An Giang, Đồng Tháp saong Ban raya Cần Thơ brei thau, meng hu majam quan trac dut iek langik tasik kraong ribaong, meng smart phone, di grauk Tukwak, grauk labik, mikva meda hu srap gap dalam bruk pacang ia mbak, khik ia taba, atau pasiam tanut ia dalam hamu padai.

Meng hu majam quan trắc dut iek langik tasik kraong ribaong, meng smart phone, mikva urang ngak nong oh brei nao tabiak mblang hamu pasang iek padai yau ye meng dahlau diah, blaoh di tuk nan thau hu dom tanut njauk hu di mblang hamu di drei yau tanut mbak, tanut pH, tanut ia… piah srap gap langyah dil samu. Meda ndom lac, bruk ngak hamu oh ka tuk halei lagaih saong mbuan yau urak ini, taong abih jeng meng majam quan trac dut iek langik tasik kraong ribaong, pandar ilamo kong nghe bahrau tame ngak padai.

Dahlau diah, yaok mbang tame bilan tua riya, rilo urang ngak nong medeih harei malam, pamedeih subuh page piah pasang khik ia ndik saong dut iek dom tanut ia piah dil samu pacang tanut ia mbak atau bai ia taba tame hamu. Khin thau ka tanut mbak saong taba, mikva brei jhaok ia lavak iek biak kan kandah. Min urak ini grauk abih jeng hu salih meng gah ngak nong buh jien tame majam quan trac pambuak tapa smart phone, urang ngak nong med thau ia taba atau mbak piah ba tame mblang hamu ka njauk.

Dom bruk kuhria hu meng majam quan trac hu ba tame jamraik po dalam labaih 2,5km, meng dom jammriak di dong, di grauk tukvak, grauk labik urang ngak nong meda pabak hu bruk halak haling di phun padai piah hu jalan langyah dil samu. Meng bruk pandar nang luong ia harei saong hu ac quy khik piah nan dom majam quan trac kraong ribaong atau pasang iek halak haling meda hu khik kajap bruk pandar gam gam yaok harei malam di rilo mblang hamu bo oh pambak tame majam halam ndien negar.

Tui khau tin njauk lagaih meng dom balai quan trac saong meda hu pabak di grauk tukvak, grauk labik, urang ngak nong taong abih hu srap gap dalam bruk pala padai, meng nan daong paglaong bruk ngak hu, asar siam padai, patakik jien buh tame ngak, patakik prein sangka iek glang saong parilo jien laba./.