Rilo thun dahlau, hadei di dom mbang yuak padai blaoh, jaik abih pong nerang brei cuh klak di hamu. Bruk bhian randap nan dui atah rilo thun ini mai daok ngak ka langik tasik alam moi truong labik daok njauk pambak biak triak, taneh riya oh daok siam saong njaom ar thak sang kareih tame alam moi truong dak harei dak prong.

Dang anak bruk ini meng rilo thun ini mai, ong Mười Sự, daok di palei Long Thạnh 2, xa Phu Lam palih jalan nao karei. Ong mek tangin tame bruk duah blei pong hadei di yuak kuak blaoh duah labik pablei tabiak ka urang nong. Meng dom baoh jammriak tapaok pong saong dom urang blei tame tuk akaok mereip, ong Mười Sự dak harei dak blei tame rilo jang baoh jamariak tapaok pong, peih prong bruk blei tame saong dak padang bruk blei pong tame.

Urak ini yaok dalam thun, ong Mười Sự blei pong tame jaik 50.000 - 60.000 kong. Kuhria yaok kong pataom mek hu meng 10 - 11 paok pong, taong abih paok pon pataom mek hu jaik 500.000 - 600.000 paok dalam sa thun.  

Piah ngak hu siam bruk ngak prong ini, ong buh jien blei 5 sruh jamriak li-ua, pah jang 8 sruh jamriak karei gam haong 16 chruh radaih tapaok pon brei ngak gam gam angaok mblang hamu. Kuhria tapa yaok harei, ong pablei tabiak darak pasar meng 5.000 - 7.000 paok phon, yaok paok triak jaik 18 - 20kg.  

Oh lac tok ba brei jien mek tame jang ka urang nong hadei di yaok vu yuak padai, bruk pataom mek pon njan daong patrun biak rilo bruk cuh pon di puk palei. Tui rilo urang nong di xa Phu Lam, dahlau diah pon hu mong yau sa janih klak nao, cuh klak ka nyu samar, urak ini pon hu urang mai duah blei tal laok hamu yau nan ye mikva gam hu jien mek tame jang gam oh daok bruk thak dhul mul me-om gam puk palei yau dahlau diah.

Ong Mười Sự daok dak padang talei majam hajal urang blei pandar pong dui atah tal rilo  tinh, ban gah Meraong. Dom paok pong nerang bhian hu klak di mbang hamu urak ini hu jeng janih pandap duh ka rilo bruk ngak yau: ngak ndap mbang ka limo aia tasau, me-om gha pala phun gara khik am dalam bilan pandiak bhang, pala bimao hacih atau pabak brei ka dom sang mac ngak ba-ar.  

Mada hu lac baoh sang pablei salih ta-eng urang, min bruk ngak mbang di ong Mười Sự ba mai rilo yaom kein laba hu mboh di anek meta brei ka alam langik tasik. Bruk pataom mek pon ngak brei padam trun ar thak Methane saong CO2 brei tabiak tapak meng di bruk cuh pon. Pong hadei di pala bimao daok brei pandar ngak khak hu ko, daong patrun bruk pambak tame khak hoa hoc.

Ong Nguyễn Văn Cọp, Akaok Kapul nyaom urang ngak nong daok di tinh khang panuac lac bruk ngak di ong Mười Sự nan lac brei mboh cambaih laih ka jalan ngak nong hijao, kinh te pambuak pagam haong gauk bo gah ngak nong daok pachreih cak rok patagok. Kadha njauk iek prong di ong Mười Sự oh lac sa janih daok di baoh jeng siam mekre di bruk ngak mbang kinh te blaoh daok di bruk urang ngak nong ini mong iek tabiak yaom lingai bahrau meng di janih hu mong lac janih parah klak langiu mbang hamu.  

Kreh pandiak catang di bhum taneh akaok halau, dom sruh radaih tapaok pon di ong Mười Sự jeng bruk patui gauk nduac grauk mblang hamu. Yaok paok pong hu veih ba tagok radaih jeng samu haong bruk sa ar thak apui cuh pong nerang oh daok par tagok di kreih palei, rik daong dak padang bruk ngak nong hijao saong patrun bier ar thak kanjah jhak di bhum taneran kraong Cuu Long./.