`1: Tukvak masa caga piah harei hadei saong ndik tano

Tuk tapai tano 7 bilan, nyu trak labaih 3 kg, tapai binai 5 bilan, trak meng 2,8 – 3 kg, brei pagam tano binai juak gauk piah mek pajaih.

Tapai menek mbang akaok meti bhian takik mboh bruk di langiu nyu khin juak tano, bhian pamaong tame umo bilan di tapai piah pabam pajaih. Tapai menek tapa mbang akaok meti, tuk pasang iek mboh aot di tapai ine barah saong bhong meraik lac bruk brei mboh tapai ine khin juak tano.

Brei ka tapai juak gauk di page; bhian pabam gilac mbang ka 2 hadei mbang ka sa 6 tuk piah bruk nyu hu metian tantu. Tuk pabam pajaih, mek tapai binai tapa var ro tapai tano. Tukvak brei juak gauk ndik gauk dui atah 15 – 20 minit. Tuk drei tano gavang rup ndih trun taphia drei binai atau ndih trun paben var gah likuk drei binai saong sameng tabiak sa sap ieu sit brei mboh bruk pabam pajaih tamat blaoh.

Hadei di tuk pabam pajaih 10 – 12 harei ye pasang iek tapai binai hu metian paje meng bruk:

+ Brei tapai binai tame var ro tapai tano yau tuk nyu khin juak tano, meyah mboh tapai binai oh brei tano tui, nduac dauk ye lac nyu metian blaoh.

+ Pasang iek meng tangin: Pandon pandok mala hatian dan dan di tung taphia talang taok, jaik talang araong, meyah mboh metian laman yau asar nde akaok tanau tangi ine panduan nao mai dalam tử cung lac tapai metian. Brei caik hatai sangka piah thau halei asar khak di tung di sa labik nan.

  2: Tuk tapai menek saong raong anek

Tapai metian 28 – 32 harei. Dalam tukvak ini, brei raong caik karei drei tapai metian piah plaih bruk tapai lue gauk ngak kan kandah brei ka tung metian; brei tapai mbang rilo saong ginup dom janih siam piah raong tapai metian, brei mbang kaya mbang meda vitamin A, D, E saong Protein piah raong metian siam.

Tapai bhian menek di malam, dahlau tuk hu bruk buac balau tung ngak sruh, drei brei daong ramik thruh, mek tanyak hacih laman, hareik thu… piah ngak thruh ka tapai. Thruh menek hu brei ngak dahlau di tapai manek meng 2 – 3 harei tapai.

Tapai amaik hadei tuk menek meng 3-4 harei lac meda juak tano saong pabam pajaih. Tukvak tapai menek saong patabiak ia tasau raong anek, brei khik kajap bruk mbang huak siam, ia menyum ginup, nan brei ka tapai amaik menyum ia saradang atau mbang tabau piah pasiam prein yava samar saong patabiak ia tasau rilo.

Tapai hadei tuk menek meda brei juak tano 3 harei, 10 – 15 harei atau hadei tuk anek neh calah amaik hu 3 harei. Bhian pabam pajaih gilac meng harei ka 7 tal harei ka 9 hadei brei neh anek.

   3: Pahacih caga taong ruak

Tapai hu prein pacang ruak tukik, biar, mbuan njom dom takai ruak saong patagok jeng jit ruak. Piah patakik pakurang rilo abih bruk khat lahik kinh te kayua jit ruak, bruk hu makna abih dalam raong glang tapai lac ngak tabiak labik hu langik lagaih hacih sa-at saong ngak tui tani tanat dom jalan pahacih caga ruak. Cambaih laih lac, yaok harei brei pahacih sa-at var ro; yaok tukvak pahacih bai raong, var raong, tanang brei mbang brei menyum, thruh menek; brei pabak ka tapai hu ginup kaya mbang saong ia menyum hacih sa-at, siam glaong./.