Gam hatai khin caong dak padang mbang angui angaok mblang taneh di puk palei, hu pachreih sa-ai Trần Phương Vũ saong sa-ai Lê Nhã Lam duah thau saong ba bruk raong ia hani darko yuk meng dom tinh gah angaok mai xa Trần Văn Thời cak rok patagok. Ini lac sa jalan ngak oh ka thei saneng tal, kayua lac janih ia hani darko ini kan si raong jeng ye bruk salih bahrau di alam moi truong.

Tukvak akaok mereip, dom kan kandah jalan diuk rai bhian randap di janih ia hani darko ini ngak ka dua urang dam ini biak huac kadha. Yau nan min, mai meng bruk kham merat saong jalan saneng bahrau, dua urang sa-ai ini ta-eng drei roh duah ngak tabiak ngak di drei jwa gandang, parilo jang janih bingu saong dak padang alam moi truong biak siam gheih piah "khik takai" tapuk nyaom ia hani darko bahrau ini. Sa-ai Trần Phương Vũ khan brei thau, tuk bahrau ba dangko mai raong jeng huac kanda rilo, huac anek hani darko nao lahik, hadei di vaktu mboh dangko bahrau meng caih menek, cak rok patgaok nan ka dua sa-ai meng gindang hatai raong.  

Bruk ngak hu ngak jeng di di dua urang dam nan hu lac langiu di bruk cak rok patgaok raong ia hani darko dalam dhung garaong kayau bhian mboh, dua urang likei dam ini daok pachreih ba hu anek ia hani darko tame ngak sruh dalam mbrong krem thu. Jalan ngak ini gam pandar hu ndap ndap raong hu blaoh gilac ngak ka asal aia ia hani darko siam jang.

Yaom lac bruk mek aia hani darko dalam mbrong krem meng tangin nan ye caong khin biak tani tanat, biak kham merat piah neh mek aia hani darko min boah jeng siam mekre nan lac janih aia dangko ini biak bingi pahe ndak, hu pahe biak karei saong brei mek tame rilo jien ndo jang. Urak ini ia hani darko hu yaom pablei meng 1,5 tal 2 trieu ndong sa lit. Sa-ai Lê Nhã Lam, brei thau:

“Raong dalam mbrong krem ye mek tame aia dangko mboh glaih jang, kayua lac njauk blah tabiak yaok mbrong, blaoh ka meng neh meng tangin. Pabak gilac, aia dangko hu mbau pahe biak karei, vi aia dangko mesram mesram, yamen yamen urang blei pandar biak takre. Urak ini aia dangko oh ginup piah pablei”

Urak ini sa-ai Trần Phương Vũ saong sa-ai Lê Nhã Lam daok patagok bruk rak rok ia hani darko yuk di baoh sang. Bruk ngak ini daok brei mboh hu baoh jeng siam mekre ka jien mek tame yaom lac mblang taneh saong phun jien buh tame raong oh hu rong rilo. Dua urang likei dam daok patui veik pambak prong jang saong abih hatai klah rabha ilamu pambak prng tapul nyaom dangka brei ka mikva dalam palei gam gauk ngak mbang cak rok patagok kinh te. Sa-ai Trần Phương Vũ, khan brei thau ka ilamu raong glang:

‘Anek ia hani darko yuk meda kurang cak rok patagok saong brei aia dangko takik meyah alam moi truong raong takik phun kayau saong kurang binu hala. Khaol dahlak njauk pala rilo jang phun mbang baoh, hu rilo bingu hala saong hu rilo aia mat, phan. Gam haong nan, tuk raong iek phun, oh pandar jru cavao pacang khik phun pala piah ngak brei ka siam mekre moi truong diuk ka anek ia hani darko.

Ong Nguyễn Thế Châu, Mbik thu Ndang uy xa Tran Van Thoi brei thau, hadei di tuk nao rivang iek, taong yaom lac anek ia hani darko yuk oh hu meblah pambak prong, ngak pambak tal bruk cak rok patagok dangko di puk palei. Bruk ngak ini akaok mereip brei mboh baoh jeng siam mekre, yau nan ye meda pambak prong piah cak rok patagok bruk ngak mbang kinh te di palei.

Bruk dak padang mbang angui meng bruk raong anek ia hani darko yuk hu brei mboh labik dang di dam dara palei pala jaman bahrau: oh huac kan kandah, oh kanda ngak bahrau saong roh duah jang piah patak pataom jang yaok tanjaoh aia mat jamen, cak rok patagok bruk ngak mbang kinh te di bhum palei./.