Hlăm ênoh anăn, 3 čô kjham dưi blač mdrao ti Sang êa drao ƀuôn prŏng Kon Tum, dưi ba leh kơ ƀuôn prŏng Hồ Chí Minh lŏ dơ̆ng dŏng mdrao. Bruă ba nao anei dưi ngă hluê si klei čiăng mơ̆ng gŏ sang mnuih mâo klei truh lehanăn phung khua Knơ̆ng kriê dlăng wăl anôk mnia mblei ƀuôn prŏng Hồ Chí Minh.

Êlâo anăn, tlam hruê 13/4, êdeh mdiăng tuê mdiăng êpul mnuih hiu čhưn dlăng mơ̆ng Knơ̆ng kriê dlăng wăl anôk mnia mblei ƀuôn prŏng Hồ Chí Minh mâo 21 čô, dôk êran ti ktuê êlan dơ̆ng prŏng 24 truh ti alŭ Đăk Puih, să Đăk Tờ Re, kdriêk Kon Braih, čar Kon Tum tuôm hŏng klei truh. Klei truh anei, ngă kơ Nguyễn Thành Triệu djiê tinăn mtam lehanăn 24 čô, hlăm anăn mâo 20 čô mơ̆ng êpul hiu čhưn, 2 čô mgăt êdeh mdiăng mnơ̆ng lehanăn êdeh mdiăng tuê, 1 čô mă bruă hlăm êdeh mdiăng mnơ̆ng lehanăn 1 čô mă bruă atăt tuê hiu čhưn dlăng êka./.