Hlăm mmông drông, čiăng mđĭ hĭn klei bi hgŭm dua nah Việt Nam - Mi hlăm anăn mâo klei bi hgŭm mơ̆ng Phŭn bruă kahan ksiêm hŏng dŭm ƀĭng hgŭm Mi, Khua phŭn bruă Tô Lâm mtă kơ dua tĭng lŏ dơ̆ng bi hgŭm kjăp, hnưm mâo bruă ngă klă klơ̆ng, mâo hdră msir, klei bhiăn bi hgŭm djŏ guôp, klă sĭt hlăm bruă knuă čiăng pŏk ngă tŭ dưn klei ƀuăn rơ̆ng bi tŭ ư ƀri gưl Khua mil čhil Mi Joe Biden hriê ti Việt Nam mrâo êgao.

Bi mni kơ Khua phŭn bruă Tô Lâm pioh leh mnĭt mmông drông êpul, Khua bi ala Marc Knapper bi mklă, Anôk bruă bi ala Mi srăng lŏ dơ̆ng bi hgŭm, mă bruă kjăp hŏng dŭm anôk bruă djŏ tuôm mơ̆ng Phŭn bruă kahan ksiêm Việt Nam čiăng pŏk ngă bruă dua tĭng mđing tŭ dưn, boh nik dŭm boh phŭn bi hgŭm mâo khua gĭt gai gưl dlông bi tŭ ư hlăm jar bi hgŭm kluôm Việt Nam- Mi kyua klei êđăp ênang, bi hgŭm leh anăn đĭ kyar kjăp./.