Thŭn 2024 leh anăn hlăm 3 thŭn pŏk ngă Hdră mtrŭn Klei bi kƀĭn Đảng dŭm gưl, dŭm čar Bình Định kƀĭn pŏk ngă bi jăk, hrăm mbĭt dŭm hdră msir mđĭ kyar bruă duh mkra- ala ƀuôn, rơ̆ng lĭng kahan - klei êđăp ênang, mkŏ mjing hdră kđi čar hlăm alŭ wăl leh anăn dưi mâo klei tŭ dưn jăk. Truh ară anei mâo 16/22 hnơ̆ng kčah mơ̆ng wưng 2020 - 2025 ngă leh leh anăn êbeh hdră kčah. Ênoh mnơ̆ng dhơ̆ng alŭ wăl đĭ 7,6%, dôk tal 17/63 hlăm kluôm ala. Hnơ̆ng bruă duh mkra đăo tĭng êbeh 117 êbâo êklai prăk, dăp tal 5/14 hlăm krĭng wăl kwar krah…

Khua bruă kƀĭn ala Vương Đình Huệ bi mni kơ boh tŭ Bình Định mâo leh đru ba bruă duh mkra lŏ dơ̆ng kơrŭ wĭt leh anăn đĭ kyar, ba anăp hlăm krĭng wăl. Hlăm wưng kơ anăp, čar Bình Định gĭr ktưn truh thŭn 2030 jing čar đĭ kyar hlăm êpul ba anăp krĭng Dưr kwar Krah leh anăn ktuê hang ksĭ kwar ktah; anôk duh mkra phŭn kluôm ala kơ klei mđĭ kyar bruă duh mkra hlăm êa ksĭ, hiu čhưn ênguê ala čar. Khua bruă kƀĭn ala mtă kơ čar Bình Định gĭr ktưn bi leh jăk hĭn dŭm hdră kñăm, wưng kčah, čang hmăng leh anăn đăo knang, bruă Đảng, bruă sang čư̆ êa leh anăn mnuih ƀuôn sang čar Bình Định srăng lŏ dơ̆ng mđĭ ai tiê leh anăn klei kdrưh kơăm

“Tây Sơn”, hnưm bi leh klei čang hmăng, hdră kñăm truh thŭn 2030, Bình Định jing čar mđĭ kyar hlăm êpul ba anăp krĭng Dưr kwar Krah leh anăn ktuê hang ksĭ kwar Krah.

 Hlăm gưl anei, Khua bruă kƀĭn ala Vương Đình Huệ mtrŭt mjhar Knơ̆ng bruă êa ksĭ Việt Nam đru kơ čar Bình Định mkŏ mjing 100 boh sang bi đru mâo ênoh 5 êklai prăk./.