Knăm bi hdơr 70 thŭn hrue kuôl kă Geneva: Guh mngač ai tiê, k’hưm klei ngă bruă hŏng tač êngao ênuk Hồ Chí Minh
Thứ sáu, 10:09, 26/04/2024
VOV TAYNGUYEN
VOV TAYNGUYEN
VOV4.Êđê- Anăp truh kơ klei bi hdơr 70 thŭn klei blah dưi Điện Biên Phủ lehanăn 49 thŭn kwar dhŭng mâo klei êngiê, mhluh lir lăn čar, aguah mbrue (25/4), ti Hà Nội mkŏ mjing klei bi hdơr 70 thŭn klei kuôl kă Geneve mdei klei bi blah ti Việt Nam
Mbĭt hŏng klei blah dưi Điện Biên Phủ, klei kuôl kă Geneve mâo bi klă ti hrue 21/7/1954 mjưh ruĕ klei bi blah bi kdơ̆ng hŏng Prăng mơ̆ng mnuih ƀuôn sang Việt Nam, mjing djăp klei găl kơ klei sua wĭt klei êngiê kơ dŭm djuê ana tar rŏng lăn.
Blŭ hrăm ti knăm anăn, Khua phŭn bruă hŏng tač êngao Bùi Thanh Sơn lač, klei kuôl kă Geneve jing sa klei bi kƀin lu tĭng tal êlâo Việt Nam nao bi mguôp čiăng bi blŭ tui duah klei kuôl kă hŏng dŭm ala čar prŏng. Klei dưi mơ̆ng Việt Nam ti anôk kuôl kă Geneve kbiă hriê mơ̆ng hdră êlan cách mạng djŏ, lehanăn klei kiă kriê mơ̆ng Đảng lehanăn khua gĭt gai Hồ Chí Minh; mơ̆ng klei êpa mhao kơ klei êđăp ênang, klei khăp kơ lăn čar mơ̆ng djuê ana Việt Nam.
Viết bình luận