Truh kơ 120 mnĭt, bruă mkŏ hdră mđung rup anei čiăng kơ jih jang mnuih lŏ wĭt bi hdơr kơ dŭm thŭn mlan jhŏng ktang, hŏng dŭm klei amâo mâo dưi wưrr ôh mơ̆ng sa ênoh mblah ngă. Hŏng dŭm gru kruak knăl hlăm 70 thŭn êgao bi knăl leh dŭm klei bi mguôp hŏng bruă leh êgao hŏng ênuk dôk hdĭp ară anei, hlăm dŭm bruă mdah klei kdŏ muiñ, klei hlak mblang lehanăn bi yăl dliê. Mkŏ hdră mđung rup “Ti gŭ hla čhiăn gru klei dưi” bi ruĕ hŏng dŭm mta rup mơ̆ng phung kahan hđăp, phung hlăk ai ba anăp, mnuih ƀuôn sang nao đru hlăm klei bi blah dôk ti 5 anôk mkŏ.

Dăl hlăm 70 thŭn êgao, hla čhiăm gru êpa mhao kơ klei dưi atăt leh lĭng kahan lehanăn mnuih ƀuôn sang dưui găn jih klei bi blah ba wĭt klei êngiê, bi klin jih ai ktang pioh kơ klei mlih mrâo lăn čar ară anei. Pưng myưng lehanăn đăo knang ti gŭ hla čhiăm gru kdrăm k’ah mơ̆ng Đảng, phung ƀuôn sang jih ai tiê mđĭ bi lar knhuah gru jhŏng ktang mơ̆ng Điện Biên Phủ. Lehanăn jing hla čhiăm gru klei dưi nanao, jing leh klei bi knăl kơ ai tiê klei êpa mhao kơ Việt Nam prŏng ktang./.