Trần Đức Nhật, k’iăng khua bruă sang čư êa ƀuôn prŏng Ƀuôn Ama Thuôt, čar Dak Lak brei thâo, ƀri wưng bi hdơr 49 thŭn hruê mblah dưi Ƀuôn Ama Thuôt, sua wĭt klei êngiê čar Dak Lak (10/3/1975-10/3/2024) ƀuôn prŏng Ƀuôn Ama Thuôt srăng mkŏ mjing hdră mnăm êa kphê amâo mâo mă prăk ti alŭ wăl ƀuôn prŏng.

Hluê anăn, Klei mnăm êa kphê amâo mâo mă prăk srăng mko mjing ti Sang mnia Ƀuôn Ama Thuôt, Wăl tač 10/3 leh anăn êlan Dlăng hră Ƀuôn Ama Thuôt hlăm dua hruê mơ̆ng 9-103/2024. Êngao kơnăn, bruă sang čư êa ƀuôn prŏng ăt ngă bruă mnăm êa kphê amâo mâo mă prăk ti dŭm ƀuôn hgŭm, să ƀiă êdi sa hruê (10/2/2024). Truh kơ ară anei mâo leh êbeh 400 sang mnăm kphê ti ƀuôn prŏng Ƀuôn Ama Thuôt bi klă nao hgŭm. Hdră anăn, anôk čhĭ êa kphê dưi hâo hưn kluôm hlăm dŭm kdrăp hâo hưn yang ƀuôn leh anăn hlăm mbah internet.