Čar mâo mta kñăm thŭn 2024 mđĭ kyar 3.117 ha dliê. Hlăm knăm mtrŭt mjhar pla ana kyâo ti ƀuôn prŏng Gia Nghĩa, Lê Trọng Yên, k’iăng khua bruă sang čư êa čar Dak Nông iêo thưr dŭm gưl bruă, dhar bruă mbĭt hŏng jih jang mnuih ƀuôn sang mđĭ klei thâo săng, hur har pla mjing leh anăn răng mgang ana kyâo mtâo, răng mgang dliê čiăng đru răng mgang wăl hdĭp mda, bi mdrơ̆ng hŏng klei mlih yan adiê. Leh knăm mtrŭt mjhar, khua gĭt gai čar Dak Nông mbĭt hŏng dŭm êpul êya leh anăn mnuih ƀuôn sang pla giăm 1000 ana êgiêr, ana hrač ti alŭ wăl knông hŏng knơ̆ng kdơ̆ng êa Dak R’Tih, ƀuôn hgŭm Nghĩa Tân, Ƀuôn prŏng Gia Nghĩa.

Ăt hlăm hruê, dŭm knơ̆ng, dhar bruă, alŭ wăl ti čar Dak Nông hriăm mbĭt trŭn kơ bruă pla ana kyâo mtah sa hŏng hŏng knăm Pla ana kyâo lă lar hdơr kơ Awa Hồ. Hlăm wưng anei, srăng mâo êbeh 32.000 phŭn kyâo mtah dưi pla hlăm čar.