Leh knăm drông, Khua gĭt gai Đảng Tô Lâm bi trông hŏng Khua gĭt gai Đảng, Khua lăn čar Lao Thongloun Sisoulith. Dua khua gĭt gai bi êdah klei mơak kơ dŭm knhuang đĭ kyar êlam, tŭ dưn hlăm klei bi mjĕ Việt Nam – Lao wưng êgao. Hluê hŏng dŭm hdră êlan tă mâo dua tĭng bi tŭ ư, dua khua kiă kriê mđing brei pŏk ngă hlăm wưng păn bruă anei mtam.

Hluê anăn, dua tĭng mđĭ hĭn klei bi trông, kah mbha klei thâo hlăm bruă pŏk ngă Hdră mtrŭn Klei bi kƀĭn mơ̆ng grăp Đảng. Mbĭt anăn, mđĭ hdră bi hgŭm bruă duh mkra, mđing djăp klei găl mâo, bi hgŭm lehanăn pŏk ngă kjăp hdră phŭn, mjing boh kdrŭt kơ klei bi hgŭm hdră duh mkra, mnia mblei, duh bi liê lehanăn mđĭ kyar, gĭr bi mâo ênoh prăk mnia mblei dua nah truh 10 êklai USD hlăm wưng ti anăp./.