Hlue si klei hưn mdah mơ̆ng Knơ̆ng bruă ruah khua čar Dak Lak, truh ară anei bruă mprăp kơ klei ruah khua ti čar mâo leh lu klei tŭ  dưn jăk. Anôk bruă gĭt gai ruah khua čar mkŏ mjing klei bi kƀĭn tal pă, mâo klei hưn mdah klah čŭn čiăng gĭr gai kluôm. Êpul gơ̆ng bruă ƀuôn sang čar mkŏ mjing 11 êpul ksiêm dlăng, ngă klei ksiêm dlăng ti 102 să, ƀuôn hgŭm kñăm hmao thâo boh klei leh anăn ruh mgaih klei dleh dlan nah gŭ.

Knơ̆ng bruă kriê dlăng bruă knuă mtô bi hriăm kơ êbeh 15 êbâo čô bi ala ti 103 anôk mkŏ, kƀĭn hdră bi kuôl kă, čih anăn phung bi ala kơ mnuih ƀuôn sang, klei thâo mplĕ hră. Klei bi kƀĭn kuôl kă tal dua gưl čar bi tŭ ư anăn tal êlâo 22 čô mgơ̆ng ruah  phung bi ala Bruă kƀĭn ala leh anăn 144 čô mgơ̆ng ruah khua hlăm Êpul gơ̆ng bruă ƀuôn sang čar; gưl să tŭ mă êbeh 4.600 hră mơar, mâo đa đa čŏng mgơ̆ng ruah. Mơ̆ng hruê 4–8/2 mkŏ mjing mă klei blŭ mguôp phung bi ala kơ mnuih ƀuôn sang ti anôk dôk; klei kuôl kă tal tlâo bi leh êlâo kơ Tết.